ۆەدومستۆو مالىمەتىنشە، تارالىپ جاتقان 2019 جىلعى ۆيدەوروليك
ق ر قارجى نارىعىن رەتتەۋ جانە دامىتۋ اگەنتتىگى الەۋمەتتىك جەلىلەر مەن مەسسەندجەرلەردە كرەديتتىك راقىمشىلىق جاسالعانى جانە حالىقتىڭ قارىزدارى ەسەپتەن شىعارىلعانى تۋرالى تاراعان اقپاراتقا تۇسىنىك بەردى، دەپ حابارلايدى Almaty-akshamy.kz.
ۆەدومستۆو مالىمەتىنشە، تارالىپ جاتقان 2019 جىلعى ۆيدەوروليك. ول كەزدە «قازاقستان رەسپۋبليكاسى ازاماتتارىنىڭ بورىش جۇكتەمەسىن ازايتۋ شارالارى تۋرالى» مەملەكەت باسشىسىنىڭ جارلىعىن (2019 جىلعى 26 ماۋسىمداعى) جانە ق ر ۇكىمەتىنىڭ قاۋلىسىن (2019 جىلعى 15 شىلدەدەگى) ورىنداۋ بويىنشا جۇمىستار اتقارىلعان بولاتىن.
«وسى قاۋلى شەڭبەرىندە كومەك 2019 جىلعى قىركۇيەكتەن باستاپ 2020 جىلعى ءساۋىر ارالىعىندا كورسەتىلدى. ناتيجەسىندە 577،7 مىڭ ازامات ءۇشىن جالپى سوماسى 120،5 ملرد تەڭگە بولاتىن بەرەشەكتى ەسەپتەن شىعارۋ پروسەدۋراسى جۇرگىزىلدى.
قاۋلى 2019 جىلعى 13 جەلتوقساندا قولدانىسىن توقتاتتى جانە قازىرگى ۋاقىتتا ونىڭ زاڭدى كۇشى جوق. بۇل باستاما بىررەتتىك بولدى.
ازاماتتار مەن بۇقارالىق اقپارات قۇرالدارىنان جالعان مالىمەتتەرگە سەنبەۋدى جانە اقپاراتتى تەك رەسمي جانە تەكسەرىلگەن دەرەككوزدەردەن الۋدى سۇرايمىز»، - دەلىنگەن اگەنتتىك حابارلاماسىندا.