حالىق جازۋشىسىنىڭ قۇنى قانشا؟

رەسپۋبليكا كۇنى قارساڭىندا ادەبيەت سالاسىنداعى ەڭ جوعارى سىيلىق تابىستالادى.

«قازاقستان حالىق جازۋشىسى» اتانعاندارعا 18 مىڭ ۇستەماقى قاراستىرىلعان، دەپ حابارلايدى Almaty-akshamy.kz

بۇل تۋرالى مادەنيەت جانە اقپارات ۆيسە-مينيسترى ارمان جۇدەبايەۆ ايتتى.

بيىلدان باستاپ قايتا قولعا الىناتىن «قازاقستاننىڭ حالىق جازۋشىسى» اتاعى – ەلىمىزدىڭ ادەبيەتىن دامىتۋعا ەرەكشە ۇلەس قوسقان، بۇرىن «قازاقستاننىڭ ەڭبەك سىڭىرگەن قايراتكەرى» جانە قازاقستان مەملەكەتتىك سىيلىعىنىڭ لاۋرەاتى اتانعان تۇلعالارعا بەرىلەدى. 1999 جىلدان باستاپ ءبۇل اتاقتى بەرۋ توقتاتىلعان.

سەناتتىڭ جالپى وتىرىسىنان سوڭ ارمان جۇدەبايەۆ «قازاقستان حالىق جازۋشىسى» اتانعان تۇلعاعا قانداي ماتەريالدىق تولەم بەرىلەتىنىن ايتتى.

«قازاقستان حالىق جازۋشىسى» اتاعى ادەبيەت سالاسىنداعى ەڭ جوعارى اتاق بولادى. ۇكىمەتتىڭ ءتيىستى قاۋلىسى بار. بۇل تۇرعىدا ول كىسىلەر مەملەكەتتىك مەكەمەدە جۇمىس ىستەسە، وندا ءتيىستى ۇستەماقى تولەنەدى. ال جۇمىس ىستەمەسە، تولەم جاسالمايدى. جالپى مۇنداي جاعدايدا ەشقانداي قارجىلىق ەسەپتەۋ قاراستىرىلماعان. ولار (اتاقتى العاندار – اۆت.) مادەنيەت جانە اقپارات مينيسترلىگىنىڭ ءتيىستى مەملەكەتتىك مەكەمەلەرىندە قىزمەت ەتسە، 17 954 تەڭگە سوماسىنداعى ۇستەماقى الادى»، - دەدى ءمينيستردىڭ ورىنباسارى.