دسم ءونىمنىڭ قاۋىپسىزدىگىن مەملەكەتتىك باقىلاۋ شارالارىن كۇشەيتۋدە.
5 مىڭ سىناما ءونىمدى باقىلاۋ ساتىپ الۋ جانە جۇرگىزىلگەن سانيتاريالىق-ەپيدەميولوگيالىق ساراپتاما قورىتىندىسى بويىنشا دەنساۋلىق ساقتاۋ مينيسترلىگىنىڭ سانيتاريالىق-ەپيدەميولوگيالىق باقىلاۋ كوميتەتى تەكسەرىلگەن ءونىمنىڭ 35%-ى ەاەو ءبىرىڭعاي سانيتاريالىق تالاپتارىنا جانە تەحنيكالىق رەگلامەنتتەرىنىڭ تالاپتارىنا سايكەس كەلمەيتىنىن انىقتادى، دەپ حابارلايدى aqshamnews.kz سالا مينيسترلىگىنە سىلتەمە جاساپ.
رەسپۋبليكا اۋماعىندا تاراتىلاتىن ءونىمنىڭ قاۋىپسىزدىگىنە جۇرگىزگەن ساراپتاما ناتيجەسىندە 439 جەدەل دەن قويۋ شاراسى قابىلداندى، حالىقتىڭ دەنساۋلىعىنا ىقتيمال قاتەر توندىرەتىن 2 توننادان استام ءونىم ساتىلىمنان الىندى.
اۋىل شارۋاشىلىعى مينيسترلىگىمەن ءوزارا ءىس-قيمىل شەڭبەرىندە يمپورتتىق ءونىمنىڭ 34 وندىرۋشىسىنە قاتىستى كۇشەيتىلگەن زەرتحانالىق باقىلاۋ ەنگىزىلدى.
سونداي-اق، تەحنيكالىق رەتتەۋ جونىندەگى ۋاكىلەتتى ورگانمەن ءوزارا ءىس-قيمىل كەزىندە 2023 جىلى ءسۇت ونىمدەرىنىڭ، قۇس ەتىنىڭ جانە پارفيۋمەرلىك-كوسمەتيكالىق ونىمدەردىڭ سايكەستىگى تۋرالى 200 دەكلاراسيانىڭ قولدانىلۋى توقتاتىلدى جانە كۇشى جويىلدى.
ۋىتتىلىق دەڭگەيىن، زياندى زاتتاردىڭ قۇرامىن، ميكروبيولوگيالىق جانە باسقا دا سيپاتتامالاردى انىقتايتىن سانيتاريالىق-ەپيدەميولوگيالىق ساراپتاما وبلىستىق جانە اۋداندىق دەڭگەيدەگى ۇلتتىق ساراپتاما ورتالىعىنىڭ 84 اككرەديتتەلگەن زەرتحاناسىندا جۇرگىزىلەدى.
دەنساۋلىق ساقتاۋ مينيسترلىگى حالىقتىڭ دەنساۋلىعىن قورعاۋعا باعىتتالعان زاڭناما اياسىندا جۇمىسىن جالعاستىرۋدا جانە نارىقتاعى ءونىمنىڭ قاۋىپسىزدىگىن قامتاماسىز ەتۋ ءۇشىن بارلىق قاجەتتى شارالاردى قابىلداۋدا.