قازاقستاننىڭ حالىق ءارتىسى تورعىن تاسىبەكوۆا ومىردەن ءوتتى.
قارالى حاباردى مادەنيەت جانە اقپارات مينيسترلىگى راستادى، دەپ حابارلايدى Almaty-akshamy.kz El.kz اقپارات اگەنتتىگىنە سىلتەمە جاساپ.
قازاق كسر-نىڭ حالىق ءارتىسى، «قۇرمەت» وردەنىنىڭ يەگەرى، قازاقستاننىڭ حالىق ءارتىسى تورعىن تاسىبەكوۆا الماتى وبلىسىندا دۇنيەگە كەلگەن.
1961 جىلى قۇرمانعازى اتىنداعى قازاق ۇلتتىق كونسەرۆاتورياسىنىڭ اكتەرلىك شەبەرلىك فاكۋلتەتىن بىتىرگەن. سول جىلى مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ اكتەرلىك قۇرامىنا قابىلداندى.
قايراتكەر تۇلعا اسىل ونەردى قاستەرلەۋدىڭ وزىق ۇلگىسىن كورسەتىپ، ءومىرىنىڭ سوڭىنا دەيىن ءوزىنىڭ سۇيىكتى تەاترىنا ايانباي قىزمەت ەتتى. اكتريسانىڭ اسەم داۋىسى، سۇلۋ بەينەسى مەن شىنايى سومداعان كەيىپكەرلەرى ماڭگى حالىق جادىندا قالارى ءسوزسىز. ارداقتى جاننىڭ عيبراتتى عۇمىر جولى ەشقاشان ۇمىتىلمايدى. مارقۇمنىڭ جاتقان جەرى جايلى، توپىراعى تورقا بولسىن، – دەلىنگەن مينيسترلىك حابارلاماسىندا.