كەلىسىمگە بانك باسشىلارى قول قويدى.
2022 جىلعى 13 ساۋىردەن باستاپ كرەديتتەرى Halyk Bank-كە بەرىلگەن كليەنتتەر ءوز نەسيەسىنىڭ ستاتۋسىن جسن ارقىلى بانكتىڭ سايتىنان تەكسەرە الادى، دەپ حابارلايدى Almaty-akshamy.kz.
كرەديتتەرى Halyk Bank-كە اۋىسقان كليەنتتەر ءۇشىن ەشتەڭە وزگەرمەيدى.
كەلىسىمشارت بويىنشا Halyk Bank «سبەربانك» اق ەنشىلەس بانكى كليەنتتەرىنىڭ كرەديتتىك پورتفەلىنىڭ ءبىر بولىگىن ساتىپ الدى.
مامىلە قازاقستان دامۋ بانكىنىڭ جەڭىلدەتىلگەن نەسيەلەۋ باعدارلاماسى بويىنشا راسىمدەلگەن اۆتوكرەديتتەردى، كەپىلسىز كرەديتتەردىڭ ءبىر بولىگىن، شۇعىل قاجەتتىلىككە بەرىلگەن قارىزدار مەن يپوتەكالىق كرەديتتەردى قامتىدى. Halyk Bank-كە تاپسىرىلعان كرەديتتەر بويىنشا نەگىزگى بورىشتىڭ جالپى مولشەرى 330 ملرد تەڭگەنى قۇرايدى.
ال 1 ساۋىردەگى جاعداي بويىنشا «سبەربانك» اق ەنشىلەس بانكىنىڭ تۇتىنۋشىلىق قارىزدارىنىڭ كرەديتتىك پورتفەلى 1،1 ترلن تەڭگە بولعان.
«سبەربانك» اق ەنشىلەس بانكىنىڭ باسقارما ءتوراعاسى ەلدار تەڭىزبايەۆ نەسيەلەردى تابىستاۋ جالپىعا ورتاق پراكتيكا جانە بانك سەكتورىندا قالىپتى پروسەدۋرا ەكەنىن اتاپ ءوتتى.
«ءبىز ءاردايىم كليەنتتەر الدىندا دا، مەملەكەت الدىندا دا ءوز مىندەتتەرىمىزدى ورىنداۋعا تىرىسامىز. بۇگىنگى كۇنى سبەربانك قازاقستان مەملەكەتتىڭ بارلىق اقشاسىن، سونىڭ ىشىندە جەڭىلدەتىلگەن نەسيەلەۋ باعدارلاماسى بويىنشا بەرىلگەن قاراجاتتى قايتاردى. كرەديتتىك پورتفەلدىڭ ءبىر بولىگىن بەرۋ – قارجى سالاسىندا تارالعان پراكتيكا. كليەنتتەر ەشقانداي اۋىرتپالىقسىز باسقا بانككە اۋىسادى. ءبىزدىڭ سەرىكتەسىمىز ءۇشىن بۇل – قارىز پورتفەلىن ۇلعايتۋ مۇمكىندىگى. ال بىزگە بۇل كەلىسىم كليەنتتەرىمىزدىڭ قاجەتتىلىگىن قامتاماسىز ەتۋگە قاجەتتى قوسىمشا وتىمدىلىك بەرەدى»، - دەدى ەلدار تەڭىزبايەۆ.