وزبەكستاندا ەر ادامعى باۋ-باقشا اعاشىنىڭ كوشەتىن «حالال» لوگوتيپىمەن (بەلگىسىمەن) ساتقانى ءۇشىن ايىپپۇل سالىندى.
بۇل جايىندا aqshamnews.kz islam.kz پورتالىنا سىلتەمە جاساي وتىرىپ ءمالىم ەتەدى.
كاسىپكەر وسىنداي ايلالى ، دالىرەگى، «حالال» اتىن جامىلىپ، پايدا تابۋدى كوزدەگەن. ول «Halolmevali ko‘chatlar» («حالال جەمىس كوشەتتەرى») دەگەن برەندپەن ءوز ونىمدەرىن تۇتىنۋشىعا تىقپالاعان ەكەن. ونىڭ بۇل قۋلىعىنا باسەكەلەستىكتى دامىتۋ جانە تۇتىنۋشىلار قۇقىعىن قورعاۋ جونىندەگى كوميتەت نازار اۋدارىپ، شىندىققا جاناسپايتىن اقپارات تۇرىندە جارمانا تاراتقانى ءۇشىن كاسىپكەرگە شارا قولداندى.
وسى ورايدا وزبەكستاندا ءدىن ىستەرى كوميتەتىنىڭ تۇجىرىمىنا سايكەس «حالال» ءسوزى نەمەسە ءتيىستى «حالول» سەرتيفيكاتى تەك قانا ازىق-تۇلىك تاۋارلارىنا، ونىڭ وزىندە ولاردى دايىنداۋ، ءبۋىپ-تۇيۋ، ساقتاۋ جانە تاسىمالداۋ بولىگىندە قولدانىلاتىنىن ايتا كەتپەكپىز. بۇل تەرميندى باسقا ونىمدەردى جارنامالاۋ كەزىندە، اسىرەسە، ءتيىستى سەرتيفيكاتتاۋسىز قولدانۋعا جول بەرىلمەيدى. كاسىپكەر اكىمشىلىك جاۋاپكەرشىلىككە تارتىلدى، سونداي-اق، ول الەۋمەتتىك جەلىلەردەگى اككاۋنتارىنىڭ اتاۋىن وزگەرتۋگە مىندەتتەلدى.