WhatsApp دەرەكقورىن ساتۋشىسى باسىلىم زەرتتەۋشىلەرىنە ۇلگى ءتىزىم دەرەكتەرىمەن بولىسكەن.
تانىمال حاكەرلىك فورۋمدا WhatsApp قولدانۋشىلارىنىڭ 500 ميلليونعا جۋىق تەلەفون نومىرلەرىنەن تۇراتىن بازا ساتىلىمعا قويىلعان، ولاردىڭ اراسىندا كەيبىر قازاقستاندىقتاردىڭ دا ءنومىرى ءجۇر، دەپ حابارلايدى Almaty-akhamy.kz.
Cybernews باسىلىمىنىڭ مالىمەتىنشە، حاكەردىڭ تىرناعىنا 84 مەملەكەتتىڭ تۇرعىندارى ىلىنگەن، ولاردىڭ 3،2 ميلليونعا جۋىعى - قازاقستان قولدانۋشىلارى كورىنەدى. اتالعان مەسسەندجەردىڭ 2 ميللياردتان استام قولدانۋشىسى بار دەسەك، ۇرلانعانى ونىڭ تورتتەن ءبىر بولىگىن قۇرايدى.
سۇرانىسقا سايكەس، WhatsApp دەرەكقورىن ساتۋشىسى باسىلىم زەرتتەۋشىلەرىنە ۇلگى ءتىزىم دەرەكتەرىمەن بولىسكەن. جالپى ۇلگىدە 1097 بريتاندىق جانە 817 امەريكالىق قولدانۋشىلاردىڭ نومىرلەرى كورسەتىلگەن.
Cybernews ۇلگىگە ەنگىزىلگەن بارلىق نومىرلەردى زەرتتەپ، ولاردىڭ بارلىعى مەسسەندجەر قولدانۋشىلارى ەكەنىن راستادى.