ۆەگاندىقتىڭ تاعى ءبىر قاتەرى بار.
ەلەنا تيحوميروۆا ەسىمدى SM-Klink كومپانياسىنىڭ ديەتولوگى Life باسىلىمىنا بەرگەن سۇحباتىندا ادامنىڭ ەتتەن تولىق باس تارتۋىنىڭ سالدارى قانداي بولاتىنىن جەتكىزدى.
بۇل جايىندا islam.kz پورتالى اتالعان اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.
بىلىكتى ماماننىڭ ايتۋىنشا، مالدىڭ دا، قۇستىڭ دا ەتى دارىمەندەر مەن قورەكتىك زاتتارعا باي.
دالىرەك ايتقاندا، جانۋارلار مەن قۇستار ەتى تەمىرگە باي كەلەدى، سونداي-اق، ولاردىڭ باۋىرىندا ۆ12 دارۋمەنىنىڭ مولشەرى جوعارى.
ەتتى تۇتىنۋدان تۇبەگەيلى باس تارتقان ادامنىڭ ورگانيزمىندە الدىمەن تەمىر تاپشىلىعى پايدا بولىپ، ارتىنان انەمياعا (قان ازدىق) ۇرىندىرادى، ال بۇل جايت ادامنىڭ مي مەن بۇلشىق ەت قىزمەتىن بۇزادى.