بۇل شەشىم 2022 جىلى كامبودجادا وتكەن ازيا وليمپيادالىق كەڭەسىنىڭ باس اسسامبلەياسىندا قابىلدانعان.
2029 جىلى وتەتىن ح قىسقى ازيا ويىندارىنىڭ ۇيىمداستىرۋشىسى بولىپ ساۋد ارابياسى تاڭدالدى، دەپ حابارلايدى aqshamnews.kz
جارىستار ترودجەنا تاۋ-شاڭعى كۋرورتىندا وتەدى. بۇل كۋرورت قازىرگى ۋاقىتتا سالىنىپ جاتقان اۋقىمدى ءارى قىمبات نەوم جوباسىنىڭ ءبىر بولىگىنە اينالادى. ايتا كەتەيىك، ترودجەنا پارسى شىعاناعىنداعى العاشقى تومەن تەمپەراتۋرالى تاۋ-شاڭعى كۋرورتى بولماق. وندا اشىق قارلى بەتكەيلەر قاراستىرىلعان. الداعى ازيا ويىندارىنىڭ وتكىزۋ ورنى جارىس باستالعانعا دەيىن بىرنەشە جىل بۇرىن تولىقتاي دايىن بولادى دەپ كۇتىلىپ وتىر.
سونىمەن قاتار، ساۋد ارابياسى سپورتشىلارى وسى جىلى العاش رەت قىسقى ازيا ويىندارىنا قاتىستى. حاربيندە وتكەن جارىستاردا ولار تاۋ شاڭعىسى جانە كەرلينگ بويىنشا سىنعا ءتۇستى.
بۇعان دەيىن ازيا ويىندارى تەك ءتورت ەلدە عانا ۇيىمداستىرىلعان. جاپونيا بۇل مۋلتيسپورتتىق شارانى ءتورت رەت وتكىزسە، جۇڭگو – ءۇش رەت قابىلداعان. ال قازاقستان مەن وڭتۇستىك كورەيا ازيا ويىندارىن ءبىر رەتتەن ۇيىمداستىرعان.