عىلىمنىڭ دامۋى حالىقتىڭ ءال-اۋقاتىن ارتتىرۋى كەرەك
جوعارى ءبىلىم جانە عىلىم فورۋمىندا پرەمەر-مينيستر ءاليحان سمايىلوۆ ۆيدەوۇندەۋ جولدادى، حابارلايدى Almaty-akshamy.kz.
ۇكىمەت باسشىسى جوعارى ءبىلىم جانە عىلىم سالاسى ماماندارىن جاڭا وقۋ جىلىنىڭ باستالۋىمەن قۇتتىقتادى.
«جىل سايىن جاڭا وقۋ جىلى قارساڭىندا پەداگوگتەر مەن عىلىم سالاسىنىڭ قىزمەتكەرلەرى وسى ايتۋلى ءىس-شارانى اسىعا كۇتەدى. عىلىم مەن جوعارى ءبىلىمنىڭ دامۋ ماسەلەلەرى مەملەكەت باسشىسىنىڭ ءجىتى نازارىندا ەكەنىن وزدەرىڭىز بىلەسىزدەر»، - دەپ ايتتى سمايىلوۆ.
ۇكىمەت باسشىسى فورۋم عىلىم مەن جوعارى ءبىلىم سالاسىنىڭ وزەكتى ماسەلەلەرىن تالقىلايتىن، جاڭك وقۋ جىلىنىڭ نەگىزگى باعىتتارىن انىقتايتىن اشىق الاڭ ەكەنىن اتاپ ءوتتى.
«ادامي كاپيتالدى قالىپتاستىرۋدا مەملەكەتتىڭ ينتەللەكتۋالدىق الەۋەتىن ارتتىرۋدا بۇل سالانىڭ ماڭىزى زور ەكەنى ايقىن. ءبىزدىڭ الدىمىزدا مەملەكەت باسشىسىنىڭ تاپسىرمالارى مەن وعان سۇرانىس اياسىندا ءبىرتالاي مىندەت تۇر. بۇل مىندەتتەردى ساپالى ورىنداۋ ءۇشىن ۇكىمەت بيىل ناۋرىزدا قر-دا جوعارى ءبىلىمدى جانە عىلىمدى دامىتۋدىڭ 2023-2029 جىلدارعا ارنالعان تۇجىرىمداماسىن قابىلدادى. الدىمىزدا ەلىمىزدىڭ عىلىم سالاسىن قايتا جۇكتەۋ مىندەتى تۇر. وسى باعىتتا عىلىمدى باسقارۋدىڭ جاڭا مودەلىنە كوشۋدى باستادىق.نەگىزگى ماقسات - عىلىم مەن جوعارى ءبىلىمنىڭ دامۋى ەكونوميكانىڭ وسۋىنە جانە حالىقتىڭ ءومىر ءسۇرۋ ساپاسىن ارتتىرۋعا باعىتتاۋ»،- دەدى سمايىلوۆ.