عىلىم، ديپلوماتيا جانە ب ا ق وكىلدەرى تۇركى الەمىندەگى ماسەلەلەردى تالقىلادى

«15 شىلدە وقيعاسى حالىقتىق دەموكراتيانى قورعاۋدىڭ حالىقارالىق مىسالى رەتىندە» – بۇگىن، 5 شىلدە الماتىدا وسىنداي تاقىرىپتا كونفرەنسيا ءوتتى.

ەۋرازيا عىلىمي-زەرتتەۋ ينستيتۋتى ۇيىمداستىرعان شاراعا عىلىم، ديپلوماتيا جانە ب ا ق وكىلدەرى قاتىستى، دەپ حابارلايدى Almaty-akshamy.kz.  

وندا تۇركياداعى 2016 جىلى 15 شىلدەدەگى توڭكەرىستى تاقىرىپ ەتە وتىرىپ، تۇركى الەمىندەگى جانە كەيبىر جاھاندىق ماسەلەلەر تالقىلاندى.

تۇركيانىڭ الماتىداعى باس كونسۋلى الي ريزا اكىنجى دا ءوز بايانداماسىن جاسادى. ول 15 شىلدەدەگى اسكەري توڭكەرىستىڭ سيپاتىنا قاتىستى ءوز پىكىرىن ورتاعا سالدى.

«وزگە ۇقساس وقيعالاردان وزگەشەلىگى حالىق ءوزى سايلاعان لەگيتيمدى بيلىكتى قورعاۋعا كۇش سالدى. باۋىرلاس قازاقستاننىڭ باسشىلىعى العاشقىلاردىڭ ءبىرى بولىپ انكارانىڭ قاسىنان تابىلدى»، – دەدى كونسۋل مىرزا.

ەۋرازيا عىلىمي-زەرتتەۋ ينستيتۋتىنىڭ ديرەكتورى سۋات بەيلۇر مىرزا ءتۇرلى توڭكەرىستىك ارەكەتتەردەگى ءدىني اعىمدار مەن ەكسترەميستىك ۇيىمداردىڭ ىقپالىن تەرەڭىرەك قاراستىرۋدىڭ وزەكتىلىگىن ەسكە سالدى.

ءوز كەزەگىندە ساياسي زەرتتەۋلەر ورتالىعىنىڭ ديرەكتورى ايدار امىرەبايەۆ گيبريتىك سوعىس تاقىبىرىن توقتالدى. ول تۇركياداعى «15 شىلدە توڭكەرىسى»، قازاقستانداعى «قاڭتار وقيعاسى»، رەسەيدەگى «ۆاگنەر وقيعاسى» قاتارلى كۇردەلى قۇبىلىستاردا گيبريتتىك سوعىستىڭ سيپاتتارىن تابۋعا بولاتىنىن جەتكىزدى. سونداي-اق، تۇركى مەملەكەتتەرى الەمگە قانداي ساياسي مودەرنيزايسيا ۇلگىسىن ۇسىنا الاتىنىن ورتاق ىزدەنۋ كەرەك دەگەن ويىن ۇسىندى.

عىلىمي وتىرىسقا، سونىمەن قاتار،   فيلوسوفيا، ساياساتتانۋ جانە ءدىنتانۋ ينيستيتۋتىنىڭ ديرەكتورى سەرىك سەيدۋمانوۆ، قوجا احمەت ياسساۋي اتىنداعى حقتۋ وكىلەتتى كەڭەس ءتوراعاسى مۋحيتتين شيمشەك تاقىرىپقا قاتىستى ءوز پىكىرلەرىن ورتاعا سالدى. Alatau-Aqparat مەدياحولدينگىنىڭ باس ديرەكتورى ەرجان قالىمباي ۇلى قوناق رەتىندە قاتىستى.