تاياۋدا قايرات ساتىبالدى ۇلى مەن قايرات بورانبايەۆتى قاماۋ مەرزىمى ءبىر ايعا ۇزارعان ەدى
قايرات ساتىبالدى ۇلىنىڭ بۇرىنعى جۇبايى گۇلميرا ساتىبالدىنى قاماۋ مەرزىمى ءبىر ايعا ۇزارتتى، دەپ حابارلايدى Almaty-akshamy.kz.
«2022 جىلعى 13 مامىردا نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى گ. ساتىبالدىعا قاتىستى قاماۋدا ۇستاۋ تۇرىندەگى سانكسيالانعان بۇلتارتپاۋ شاراسىنىڭ مەرزىمىن 1 اي مەرزىمگە ۇزارتتى»، - دەپ حابارلادى قالالىق سوتتىڭ باسپا ءسوز قىزمەتى.
تاياۋدا قايرات ساتىبالدى ۇلى مەن قايرات بورانبايەۆتى قاماۋ مەرزىمى ءبىر ايعا ۇزارعان ەدى.
قايرات ساتىبالدى ۇلى ۇستالعانى 13 ناۋرىزدا بەلگىلى بولعان ەدى. ول "قازاقتەلەكوم" اق-دا لاۋازىمدىق وكىلەتتىكتەرىن اسىرا پايدالانۋ جانە قاراجاتىن اسا ءىرى مولشەردە جىمقىرۋ كۇدىگىمەن قاماۋعا الىنعان بولاتىن.
گۇلميرا ساتىبالدى دا تۇتقىندالىپ، بيزنەستى رەيدەرلىك باسىپ الۋعا، سونداي-اق 747 ميلليون تەڭگە جىمقىرۋعا قاتىسى بار دەگەن كۇدىككە ىلىنگەن.