جىمقىرىلدى دەگەن قاراجات كولەمى 747 ملن تەڭگەنى قۇرايدى.
سىبايلاس جەمقورلىققا قارسى قىزمەت ماماندارى گۇلميرا ساتىبالدىعا قاتىستى سوتقا دەيىنگى تەرگەۋ جۇمىستارى جۇرگىزىلىپ جاتقانىن ايتتى، دەپ حابارلايدى Almaty-akshamy.kz.
«شىمكەنت قالاسى بويىنشا سىبايلاس جەمقورلىققا قارسى قىزمەتى «شىمكەنت قالاسىنىڭ جولاۋشىلار كولىگى جانە اۆتوموبيل جولدارى باسقارماسى» مم لاۋازىمدى تۇلعالارى مەن «اريا-جاڭا استانا» ج ش س باسشىلىعىنا، ونىڭ ىشىندە گۇلميرا ساتىبالدىعا قاتىستى 2021 جىلى ناقتى ورىندالماعان قۇرىلىس-مونتاجداۋ جۇمىستارى ءۇشىن اسا ءىرى مولشەردە (747 ملن تەڭگە) بيۋدجەت قاراجاتىن جىمقىرۋ فاكتىسى بويىنشا سوتقا دەيىنگى تەرگەۋ جۇرگىزۋدە»، - دەلىنگەن ق ر سىبايلاس جەمقورلىققا قارسى ءىس-قيمىل اگەنتتىگىنىڭ حابارلاماسىندا.
وزگە اقپارات تەرگەۋ مۇددەسىندە جاريا ەتۋگە جاتپايدى.
ەسكە سالساق، قايرات ساتىبالدىۇلىمەن بىرگە ونىڭ بۇرىنعى جۇبايى گۇلميرا ساتىبالدى دا كۇدىككە ىلىنگەن بولاتىن. سىبايلاس جەمقورلىققا قارسى قىزمەتتىڭ مالىمەتىنشە، اگەنتتىك قايرات ساتىبالدىۇلىنا، ونىڭ بۇرىنعى جۇبايى گۇلميرا ساتىبالدىعا جانە باسقا دا تۇلعالارعا قاتىستى بيزنەستى رەيدەرلىك باسىپ الۋ فاكتىسى بويىنشا سوتقا دەيىنگى تەرگەۋدى باستاعان.
كەيىن گۇلميرا ساتىبالدى ەكى ايعا قاماۋعا الىندى.