الماتى قالاسى ماڭىنداعى تالعار اۋدانى گۇلدالا اۋىلىنداعى جەر ۇيدەن ءورت شىعىپ، ەر ادام اۋرۋحاناعا جەتكىزىلدى، دەپ حابارلايدى اlmaty-akshamy.kz ق ر توتەنشە جاعدايلار مينيسترلىگىنىڭ باسپا ءسوز قىزمەتىنە سىلتەمە جاساپ.
باسپا ءسوز قىزمەتىنىڭ مالىمەتتەرىنە قاراعاندا، بۇگىن ساعات 15:22-دە تالعار اۋدانىنىڭ گۇلدالا اۋىلىندا 138 شارشى مەتر الاڭدا جەر ءۇيدىڭ شاتىرى جانە ءبىر بولمەسى جانعان. سونداي-اق ءۇيدىڭ 30 شارشى مەتر توبە جابىنى قۇلاعان.
«ءورت ساعات 16:13-تە وقشاۋلانىپ، 17:25-تە ءسوندىرىلدى. ءورتتىڭ سەبەبىن انىقتاۋ ءۇشىن الماتى وبلىسى تجد زەرتتەۋ سىناق ءورت زەرتحاناسى مەن انىقتاۋ ءبولىمىنىڭ قىزمەتكەرلەرى جولداندى»، - دەلىنگەن حابارلامادا.
سونداي-اق وندا ءورت سالدارىنان ەر ادام اۋرۋحاناعا جاتقىزىلعانى ايتىلعان. ءورتتى سوندىرۋگە الماتى وبلىسى تجد 7 قىزمەتكەرى مەن 2 تەحنيكاسى جۇمىلدىرىلدى.