بيىل قاڭتاردىڭ سوڭىندا قازاقستاندا وسىمدىكتەر مەن گۇلدەردىڭ باعاسى ءبىر جىل ىشىندە 8،2% قىمباتتادى.
ەnergyprom.kz ۇسىنعان مالىمەتتەرگە ۇيەنسەك، وڭىرلەر بويىنشا باعانىڭ ەڭ قىمبات گۇل قاراعاندى وبلىسىندا ساتىلادى. ياعني، ءبىر جىلدا 41،5% وسكەن. ودان كەيىن الماتى وبلىسى (18،1%) جانە استانادا (14،5%) قاتتى قىمباتتادى. ەڭ از جىلدىق باعا ءوسىمى الماتى قالاسىندا تىركەلدى: 1،3%.
اقمولا، جامبىل جانە جەتىسۋ وبلىستارىندا باعا بىلتىرعى قاڭتارداعى دەڭگەيدە ساقتالعان. كەرىسىنشە پاۆلودار وبلىسىندا ءبىر جىلدا 0،9%، ۇلىتاۋ وبلىسىندا - 6،1% ارزانداعان.
بۇكىل الەمگە تانىمال راۋشان گۇلدەرى قاڭتار ايىندا ق ر اۋىل شارۋاشىلىعى بازارلارىندا ءبىر داناسى ورتاشا ەسەپپەن 946 تەڭگەدەن ساتىلعان. ال اباي وبلىسىندا ءبىر دانا گۇل 1 400 تەڭگەگە باعالانىپ، ەڭ قىمبات ولكە رەتىندە تىركەلدى. مۇنان كەيىنگى ساتىعا قوستاناي (1 300 تەڭگە) جانە شىعىس قازاقستان (1 200 تەڭگە) وبلىستارى جايعاستى. 600 تەڭگەدەن گۇل ساۋدالاعان شىمكەنت ەڭ ارزان وبلىس بولدى. باتىس قازاقستان وبلىسىندا راۋشان گ ۇلى 648 تەڭگەگە ساۋدالانسا، قىزىلوردادا 667 تەڭگەگە تەڭ كەلدى.
2023 جىلى قازاقستاندا 17،6 ملن گۇل جينالعان. گۇلدەر ەلىمىزدىڭ 20 ءوڭىرىنىڭ 13-دە ءوسىرىلىپ، جينالعان.
الماتى وبلىسىندا ەڭ كوپ گۇل جينالدى: 7،8 ملن دانا، جىلدىق ءوسىم 10،9 ەسە. ودان كەيىن اقمولا (5،3 ملن دانا) جانە قاراعاندى (2،2 ملن دانا) وبلىستارى.
سالاعا قارجى قۇيۋعا كەلەتىن بولساق، گۇل ءوسىرۋ جانە گۇل داقىلدارىنىڭ تۇقىم شارۋاشىلىعى سالاسىنداعى نەگىزگى كاپيتالعا ينۆەستيسيا 2023 جىلدىڭ قاڭتار–جەلتوقسان ايلارىندا 554،8 ملن تەڭگەنى قۇرادى، بۇل تەك ەكى وبلىسقا — تۇركىستان (545،4 ملن تەڭگە) جانە قاراعاندى (9،5 ملن تەڭگە) وبلىستارىنا تيەسىلى.
8 ناۋرىز قارساڭىندا Energyprom.kz ساراپشىلارى قازاقستاننىڭ ەاەو ەلدەرىنەن گۇلدەر ەكسپورتى مەن يمپورتىنىڭ قۇرىلىمىن زەرتتەدى.
2023 جىلدىڭ قاڭتار–جەلتوقسان ايلارىنىڭ قورىتىندىسى بويىنشا، قازاقستان ەاەو ەلدەرىنە كوبىنە جاڭا كەسىلگەن گۇلدەر مەن راۋشان، قالامپىر جانە حريزانتەما بۇرشىكتەرىن جىبەردى. سونىمەن قاتار، ەگىلگەن نەمەسە ەگىلمەگەن راۋشان گۇلدەرى مەن ورحيدەيالار، سونىمەن قاتار ۆەگەتاسيا جانە گۇلدەپ كەلە جاتقان گياسينت، نارسيس جانە قىزعالداق ءجيى ەكسپورتتالدى.
وسى ورايدا Energyprom ساراپشىلارى picodi.com سايتىنىڭ ساۋالناماسىن ۇسىنۋدى ءجون كوردى. 2022 جىلى جۇرگىزىلگەن ساۋالناماعا سايكەس، قازاق ايەلدەرىنىڭ 39%-ى عانا مەرەكەگە گۇل العىسى كەلەدى.
ايەلدەردىڭ 87%-ى كوبىنە جۇمىس ورنىندا، 89%-ى جاقىندارىنان گۇل الادى. نازىك جاندىلاردىڭ 56%-ى 8 ناۋرىزدا وزدەرى گۇل سىيلايدى. ەر ادامداردىڭ تەك 70%-ى گۇل سىيلايدى.
ايتپاقشى، ساۋالناماعا سايكەس گۇلدەر كوپ قالاناتىن سىيلىقتار اراسىندا تەك بەسىنشى ورىندا تۇر. بۇرىمدىلار 8 ناۋرىزعا اقشا (69%)، پارفيۋمەريا (63%) جانە كوسمەتيكانى (54%) ەڭ كەرەكتى سىيلىقتار دەپ سانايدى. ال ەڭ قاجەتسىز ءارى ورىنسىز سىيلىقتار قاتارىنا الكوگول (50%)، ىشكيىم (44%) جانە اشىق حاتتار (38%) ەندى.