ول ءوزىنىڭ Twitter-دەگى پاراقشاسىندا "ناتو-عا جول جوق!" دەپ جازدى.
شۆەسيانىڭ تانىمال ەكو-بەلسەندىسى گرەتا تۋنبەرگ ءوز ەلىنىڭ سولتۇستىك اتلانتيكالىق وداققا كىرۋىنە قارسى، دەپ حابارلايدى Almaty-akshamy.kz Inbusiness.kz سىلتەمە جاساپ.
ول ءوزىنىڭ Twitter-دەگى پاراقشاسىندا "ناتو-عا جول جوق!" دەپ جازدى. بۇل ۇراندى ول Fridays For Future (FFF) ۇيىمىنىڭ باستاماسىمەن ۇيىمداستىرىلعان ستوكگولم كورمەسى اياسىندا جاريالادى.
سونىمەن قاتار باسقا ەكو-بەلسەندىلەر تۇركيا پرەزيدەنتى رەجەپ تايىپ ەردوعاننىڭ ستوكگولم مەن حەلسينكيدەن كۇردىستان جۇمىسشى پارتياسى جانە ونىڭ قۇرىلىمدارىمەن كۇرەس جۇرگىزۋدى تالاپ ەتۋىن قولداماي، كۇردىستان ەركىن بولۋى كەرەك دەپ ۇرانداتتى.
29 ماۋسىمدا بريۋسسەلدە وتكەن سامميتتە ناتو ەلدەرىنىڭ باسشىلارى فينليانديا مەن شۆەسيانى وداققا قوسىلۋعا رەسمي تۇردە شاقىرعان بولاتىن. تۇركيا باستاپقىدا ولاردىڭ وداققا كىرۋىنە قارسى بولىپ، شارت قويعان بولاتىن. ءبىراق كەيىن تاراپتار ورتاق مامىلەگە كەلىپ، انكارا رايىنان قايتتى.