قازاقستاننىڭ فرانسياداعى ەلشىسى جان عالييەۆ ەكى ەلدىڭ ستراتەگيالىق سەرىكتەستىگىن تەرەڭدەتۋ ءۇشىن وڭىرلەردىڭ وراسان زور الەۋەتىنىڭ بار ەكەنىن اتاپ ءوتتى.
فرانسيانىڭ وۆەرن-رون-الپى وڭىرىندە قازاقستاننىڭ قۇرمەتتى كونسۋلدىعىنىڭ اشىلۋ سالتاناتى ءوتتى، دەپ حابارلايدى Almaty-akshamy.kz
وۆەرن-رون-الپى ءوڭىرىنىڭ كومپانيالارى قازاقستانمەن سەمەنت، تيتان قۇيمالارى، كۇن باتارەيالارىنا ارنالعان فوتوەلەمەنتتەر جانە ت.ب. ءوندىرۋ سياقتى سەكتورلاردا بۇرىننان جۇمىس ىستەپ كەلەدى. سونىمەن قاتار، سيرەك جەر ەلەمەنتتەرىن ازىرلەۋدە، «جاسىل» سۋتەگى وندىرىسىندە، سونداي-اق تاۋ ءتۋريزمىن دامىتۋدا ىنتىماقتاستىقتى كەڭەيتۋدە الەۋەت بار.
ەلشى قازاقستاننىڭ جاڭا قۇرمەتتى كونسۋلىنىڭ ۇزدىك قاسيەتتەرى مەن كاسىبيلىگىن ەرەكشە اتاپ ءوتتى.
«سوفي سيدوستىڭ تاعايىندالۋى فرانسياداعى قۇرمەتتى كونسۋلدىقتاردىڭ باسىندا ايەلدەردىڭ ءرولىن ارتتىرادى»، - دەدى ول.
ءوز كەزەگىندە سوفي سيدوس ەلشى مەن قازاقستان سىرتقى ىستەر مينيسترلىگىنىڭ باسشىلىعىنا سەنىم بىلدىرگەنى ءۇشىن العىسىن ءبىلدىردى. ول باسقاراتىن Louis Vicat قورى قازاقستاننىڭ فرانسياداعى ەلشىلىگىنىڭ مادەني ءىس-شارالارىن وتكىزۋگە ۇنەمى جاردەمدەسەتىنىن اتاپ وتكەن ءجون. جۇمىس بارىسىندا ول قازاقستانمەن دوستىق جانە جىلى قارىم-قاتىناس ورناتتى. MEDEF Isèreء-دى (كاسىپكەرلەر قاۋىمداستىعىنىڭ جەرگىلىكتى بولىمشەسى) باسقاراتىن سوفي سيدوس سونىمەن قاتار وڭىردەگى كومپانيالاردىڭ قازاقستانمەن بايلانىسىن نىعايتۋعا نيەتتى.