وقيعانىڭ سەبەبى انىقتالىپ جاتىر
گرەكيادا پويىز اپاتىنان قازا تاپقاندار سانى 36 ادامعا جەتتى. تاعى 66-سى جارالانعان. كوز جۇمعاندار ءالى دە ارتۋى مۇمكىن. 6 ادام جانساقتاۋ بولىمىندە جاتىر، دەپ حابارلايدى Almaty-akshamy.kz Qazaqstan.tv-گە سىلتەمە جاساپ.
قايعىلى وقيعا لاريسا قالاسى ماڭىندا بولدى. 350 جولاۋشى مىنگەن تەمىرجول كولىگى جۇك پويىزىمەن سوقتىعىسقان. اپات ورنىندا ءورت تۇتانىپ، جولاۋشىلار پويىزىنىڭ الدىڭعى ەكى ۆاگونى تولىعىمەن ورتەندى. قاراما-قارسى باعىتتا جۇيىتكىپ كەلە جاتقان ەكى پويىزدىڭ نەلىكتەن ءبىر جولدا قوزعالعانى بەلگىسىز. وقيعانىڭ سەبەبى انىقتالىپ جاتىر.
«ەلىمىز ءۇشىن وتە اۋىر كۇن بولدى. تراگەديا. قۇربان بولعانداردىڭ جاقىندارىنا قايعىرىپ كوڭىل ايتامىز. جارالانعاندارعا ەم كورسەتۋ، مايىتتەردى انىقتاۋ قاجەت. اپاتتىڭ سەبەبىن انىقتايمىز. بۇعان كەپىل بەرە الامىن. مۇنداي وقيعانىڭ قايتالانباۋى ءۇشىن قولدان كەلگەننىڭ ءبارىن جاسايمىز»، - دەدى گرەكيا پرەمەر-مينيسترى كيرياكوس ميسوتاكيس.