ونىڭ 25 مىڭى الماتىلىق جوعارى وقۋ ورىندارىنا تاپسىرىلعان.
گرانت كونكۋرسىنا وتىنىشتەر قابىلداۋ باستالعالى بەرى 65 مىڭ ءوتىنىش كەلىپ ءتۇستى، دەپ حابارلايدى Almaty-akshamy.kz عىلىم جانە جوعارى ءبىلىم مينيسترلىگىنە سىلتەمە جاساپ.
مينيسترلىكتىڭ مالىمەتىنشە، وتىنىشتەردىڭ باسىم بولىگى، اتاپ ايتقاندا، 25 مىڭى الماتىلىق جوعارى وقۋ ورىندارىنا تاپسىرىلعان. استانانىڭ وقۋ ورىندارىندا وقۋ ءۇشىن 12 مىڭ ءوتىنىش قابىلدانسا، 3،5 مىڭ ادام قاراعاندى وبلىسىنىڭ ۋنيۆەرسيتەتتەرىندە وقۋعا نيەت بىلدىرگەن.
تالاپكەرلەردىڭ تاڭداۋى ىشىندە ەڭ كوپ سۇرانىسقا يە باعىتتار قاتارىندا "پەداگوگيكالىق عىلىمدار" (17 مىڭ)، "ينجەنەرلىك، وڭدەۋ جانە قۇرىلىس سالالارى" (12 مىڭ) جانە "اقپاراتتىق-كوممۋنيكاسيالىق تەحنولوگيالار" (9 مىڭ) قالىپ وتىر.
ءبىلىم بەرۋ باعدارلامالارىنىڭ توبىنا كەلەتىن بولساق، ەڭ كوپ ءوتىنىش "اقپاراتتىق تەحنولوگيالار" - 7 مىڭ. ارى قاراي "دەنە شىنىقتىرۋ مۇعالىمدەرىن دايارلاۋعا" - 3،7 مىڭ ءوتىنىش كەلىپ تۇسكەن. ءۇشىنشى ورىندا "مەديسينا"، ونى 2،8 مىڭ تالاپكەر تاڭداعان.
ءبىلىم بەرۋ گرانتتارىن تاعايىنداۋ كونكۋرسىنا وتىنىشتەر قابىلداۋ 20 شىلدەگە دەيىن جۇرگىزىلەدى. قۇجاتتاردى قابىلداۋ ەGov ارقىلى ونلاين فورماتتا نەمەسە جوعارى وقۋ ورىندارىنىڭ قابىلداۋ كوميسسيالارى ارقىلى وفلاين فورماتتا جۇزەگە اسىرىلادى. سونداي-اق، جوعارى وقۋ ورىندارىندا ۆيرتۋالدى قابىلداۋ كوميسسياسى جۇمىس ىستەيتىن بولادى. قۇجاتتاردى كەز كەلگەن جوعارى وقۋ ورىندارى (ورنالاسقان جەرى بويىنشا) ارقىلى تاپسىرۋعا بولادى.