بۇگىن ەلىمىز بويىنشا جوو-دا ءبىلىم بەرۋ گرانتتارىنىڭ كونكۋرسىنا قاتىسۋ ءۇشىن ءوتىنىش قابىلداۋ باستالدى.
ول 20 شىلدەگە دەيىن جۇرگىزىلەدى. تالاپكەرلەر وتىنىشتەرىن ونلاين دا، وفلاين دا تاپسىرا الادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بيىل قۇجاتتاردى قابىلداۋ ەGov ارقىلى ونلاين فورماتتا نەمەسە جوو-لاردىڭ قابىلداۋ كوميسسيالارى ارقىلى وفلاين فورماتتا جۇزەگە اسىرىلادى. سونداي-اق، جوو-دا ۆيرتۋالدى قابىلداۋ كوميسسياسى جۇمىس ىستەيتىن بولادى. قۇجاتتاردى قابىلداۋ كەز كەلگەن جوو (ورنالاسقان جەرى بويىنشا) ارقىلى جۇزەگە اسىرۋعا بولادى.