قازاقستاندىقتارعا پوشتا قۇپياسوزدەرىن شۇعىل اۋىستىرۋ ەسكەرتىلدى.
Google دەرەكتەرىنىڭ جايىلۋى تۋرالى باس پروكۋراتۋرا قازاقستاندىقتارعا ەسكەرتۋ جاسادى، - دەپ حابارلايدى Aqshamnews.kz.
ماماندار Gmail پايدالانۋشىلارىنىڭ دەرەكتەرىنىڭ تارالۋىنا اكەلگەن Google دەرەكتەر بازاسىنىڭ بۇزىلۋىنا بايلانىستى كيبەرقاۋىپ انىقتالعانىن حابارلادى.
ۇيىمداستىرۋشى – ShinyHunters اتتى توپ بايلانىس دەرەكتەرىنە جانە كومپانيالاردىڭ اتاۋلارىنا قول جەتكىزگەن. اۋقىمى – 2،5 ميللياردقا دەيىنگى Gmail اككاۋنتى. دەگەنمەن، قۇپياسوزدەردىڭ ءوزى ۇرلانعان جوق.
حاكەرلىك شابۋىل الەۋمەتتىك ينجەنەريا ادىسىمەن جاسالعان: قاسكويلەر Google قىزمەتكەرىنە IT-قولداۋ قىزمەتىنەنبىز دەپ حابارلاسىپ، ونى Salesforce Data Loader اتتى زياندى قوسىمشانى ىسكە قوسۋعا ماجبۇرلەگەن.
بۇل دەرەكتەردىڭ تارالۋى الاياقتارعا Google اتىنان فيشينگتىك جانە تەلەفون ارقىلى شابۋىل جاساۋعا مۇمكىندىك بەرەدى. كەيبىر قولدانۋشىلار كود 650-مەن باستالاتىن نومىرلەردەن كەلگەن قوڭىراۋلاردى العانىن حابارلاعان. وندا Gmail ءقۇپياسوزىن قالپىنا كەلتىرۋدى تالاپ ەتىپ، كودتار مەن قۇپياسوزدەردى الداپ الۋ كوزدەلگەن.
قاۋىپسىزدىك ءۇشىن ۇسىنىستار:
1. قۇپياسوزدەردى شۇعىل اۋىستىرۋ، اسىرەسە قاراپايىم نە قايتالاناتىندارىن.
2. قوسفاكتورلى اۋتەنتيفيكاسيانى قوسۋ نەمەسە بيومەتريا/PIN ارقىلى زاماناۋي قورعاۋدى پايدالانۋ.
3. Google-دەن كەلگەندەي بولىپ كورىنەتىن قوڭىراۋلارعا نە حاتتارعا سەنبەۋ – وندايلاردىڭ10-نان 9-ى جالعان.
4. قوسىمشالار مەن قوسىلعان قۇرىلعىلارعا قولجەتىمدىلىكتى شەكتەۋ، باقىلاۋ.