وڭتۇستىك جۇڭگو تەڭىزىنە باتىپ كەتتى.
گونكونگتاعى سۋ ۇستىندەگى ايگىلى Jumbo مەيرامحاناسى وڭتۇستىك جۇڭگو تەڭىزىنە باتىپ كەتتى. وقيعا «جۇزەتىن سارايدى» 50 جىل تۇرعان ورنىنان قوزعالتقان سوڭ ورىن العان، دەپ حابارلايدى Almaty-akshamy.kz Baq.kz سىلتەمە جاساپ.
مەيرامحانا قىزمەتكەرلەرىنىڭ ايتۋىنشا، گونكونگتىڭ كورنەكى ورىندارىنىڭ ءبىرى سانالاتىن Jumbo Kingdom-نىڭ ورنىن 50 جىل تۇرعان ايلاقتان باسقا جەرگە اۋىستىرعان. الايدا ارادا بىرنەشە كۇن وتكەن سوڭ وعان سۋ كىرىپ، باتىپ كەتەدى.
كەمەدەگى ەكيپاج مۇشەلەرىنىڭ ەشقايسىسى زارداپ شەكپەگەنىمەن، كەمە-مەيرامحانانى قۇتقارىپ قالا المادى.
ۇزىندىعى 80 مەترگە جەتەتىن سۋ بەتىندەگى مەيرامحانا جارتى عاسىرعا جۋىق ۋاقىت بويى گونكونگتىڭ سانىنە اينالدى. 3 ملن-نان استام كەلۋشىلەرگە قىزمەت كورسەتكەن. ولاردىڭ اراسىندا بريتانيالىق ەليزاۆەتا ءىى پاتشايىم مەن اكتەر توم كرۋز قوناق بولعان.