ESPN ينسايدەرى مايك كوپپيندجەر ورتا سالماقتاعى الەم چەمپيوندارى گەنناديي گولوۆكين مەن ريوتا مۋراتا اراسىنداعى ايقاس سايتامدا (جاپونيا) 9 ساۋىردە وتەتىنىن مالىمدەدى، دەپ حابارلايدى اlmaty-akshamy.kz Sports.kz-كە سىلتەمە جاساپ.
قارسىلاستار ورتا سالماقتاعى IBF، WBA Super جانە IBO تيتۋلدارى ءۇشىن تالاسادى. كوپپيندجەردىڭ ايتۋىنشا، شوۋ جاپونيادا سەنبى كۇنى پرايم-تايمدا وتەدى، ال باستى ءىس-شارانىڭ باستالۋى جەرگىلىكتى ۋاقىت بويىنشا 22-23 ساعاتقا جوسپارلانعان. وسىلايشا، قازاقستاندىق كورەرمەندەر استانا ۋاقىتىمەن ساعات 19:00-20:00 شاماسىندا جەكپە-جەكتى تاماشالايدى. اقش-تا ترانسلياسيا تاڭەرتەڭ بولادى، ونى DAZN ستريمينگتىك قىزمەتى كورسەتەدى.
ەستەرىڭىزگە سالا كەتەيىك، باستاپقىدا گولوۆكين — مۋراتا ايقاسى 2021 جىلدىڭ جەلتوقسان ايىنىڭ سوڭىندا ءوتۋى كەرەك ەدى، ءبىراق جاپونيادا انتيكوۆيدتىك شارالاردىڭ كۇشەيۋىنە بايلانىستى كەيىنگە قالدىرىلدى.