گولوۆكين 9 ساۋىردە ورتا سالماقتاعى WBA چەمپيونى ريوتا مۋراتۋدى جەڭۋى ءتيىس
ەكىنشى ورتا سالماقتاعى ءابسوليۋتتى الەم چەمپيونى ساۋل «كانەلو» الۆارەس ورتا سالماقتاعى الەم چەمپيونى گەنناديي گولوۆكينمەن جەكە ەسەپ ايىرىساتىنىن ءمالىم ەتتى. سوندىقتان، ول وسى جىلدىڭ قىركۇيەگىندە ءوتۋى مۇمكىن ءۇشىنشى جەكپە-جەكتى كۇتىپ ءجۇر، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءيا، ول مەنىڭ جەكە شارۋام، سەبەبى ول مەن تۋرالى كوپ جامان نارسە ايتتى. سوندىقتان ءار سوزىنە جاۋاپ بەرەدى»، - دەدى كانەلو» گولوۆكين تۋرالى سان-ديەگوداعى بوكس كەشىندە DAZN-عا بەرگەن تىكەلەي ەفيردەگى سۇحباتىندا.
ايتا كەتەيىك، جۇرتشىلىق گولوۆكينمەن ءۇشىنشى ايقاس تۋرالى اڭگىمەگە شۋىلداسىپ كەتتى.
Sports.kzء-تىڭ مالىمەتىنشە، جەكپە-جەك ءوتۋى ءۇشىن «كانەلو» 7 مامىردا جارتىلاي اۋىر سالماقتاعى WBA چەمپيونى دميتريي بيۆولدى، گولوۆكين 9 ساۋىردە ورتا سالماقتاعى WBA چەمپيونى ريوتا مۋراتۋدى جەڭۋى ءتيىس.
«مەن نە سەبەپتى ءقازىر وتەيىن دەپ جاتقانىن بىلمەيمىن، - دەدى الۆارەس ءۇشىنشى ايقاس تۋرالى. – مەنىڭ ويىمشا، ءبارى جەتكىلىكتى بولعان سياقتى. ءبىراق، ءبىز كەلىسىم جاسادىق، بۇل - مەن ءۇشىن ەڭ ءتيىمدى كەلىسىم. بىزدە ءۇشىنشى ايقاس وتكىزۋگە مۇمكىندىك بار. مەن بيۆولمەن ايقاسقا بار كۇشىمدى سالىپ دايىندالىپ جاتىرمىن، قالعانىن كەيىن كورەرمىز».