WBA Super، IBF جانە IBO تۇجىرىمدارى بويىنشا ورتا سالماقتاعى الەم چەمپيونى گەنناديي گولوۆكين 17 قىركۇيەكتە ءۇشىنشى رەت جۇدىرىقتاساتىن ساۋل «كانەلو» الۆارەستى مانسابىنداعى ەڭ مىقتى قارسىلاس دەپ ەسەپتەمەيدى، دەپ حابارلايدى Almaty-akshamy.kz Inform.kz-كە سىلتەمە جاساپ.
«مەنىڭ قارسىلاستارىم اراسىندا چەمپيوندار دا، مىندەتتى ۇمىتكەرلەر دە بولدى. «كانەلونى» ولاردىڭ ەڭ ۇزدىگى دەپ ايتپاس ەدىم. ارينە، ول الدىڭعى قاتارداعى جانە ايتارلىقتاي مىقتى قارسىلاس، دەگەنمەن وزدەرىڭىز كورىپ وتىرعانداي، ول دا جەڭىلدى... اۋەسقوي بوكستا كاسىپقوي بوكسقا وتپەگەن بىرنەشە قارسىلاسىم بولدى. ولاردىڭ داعدىسى مەن ءادىس-ايلاسى اقىلعا سىيمايتىن. ءۇش راۋندتا سەنىڭ بۇكىل ءستيلىڭدى ءتۇسىنىپ، جەڭىسكە ەشقانداي مۇمكىندىك قالدىرمايتىنداي ايقاساتىن»، - دەدى 40 جاستاعى گەنناديي.
ەسكە سالايىق، 2017 جىلدىڭ قىركۇيەگىندە گولوۆكين مەن «كانەلو» كەزدەسۋى تەڭ اياقتالدى.
ءبىر جىلدان كەيىن، ياعني 2018 جىلدىڭ قىركۇيەگىندە س.الۆارەس تورەشىلەر شەشىمىمەن قازاقستان سپورتشىسىن جەڭدى. گولوۆكين دە الۆارەس تە ءۇشىنشى ايقاس تۋرالى رەسمي مالىمدەمە جاسادى.