بۇل ءبىز ءۇشىن ۇلكەن ايقاس
WBA Super، IBF، IBO تۇجىرىمى بويىنشا ورتا سالماقتاعى الەم چەمپيونى گەنناديي گولوۆكين 17 قىركۇيەكتە لاس-ۆەگاستا وتەتىن ساۋل «كانەلو» الۆارەسپەن ءۇشىنشى ايقاستان نە كۇتەتىنىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
Sports.kz پورتالىنىڭ مالىمەتىنشە، GGG بولجام جاساۋدان باس تارتتى، دەگەنمەن، وقيعانىڭ ماڭىزدىلىعىن اتاپ ءوتتى.
«ءبىزدى قانداي دا ءبىر ۇلكەن وزگەرىس كۇتىپ تۇر دەپ ويلامايمىن، سەبەبى ول «كانەلو» بولىپ، مەن GGG بولىپ قالامىن. ءبىز سول باياعى ادامدارمىز. كەلەسى جەكپە-جەك ءبىز ءۇشىن وتە قىزىق، ول وزدىگىنشە تاريحي وقيعا – بوكستاعى ءىرى ايقاس، ءۇشىنشى جەكپە-جەك. ءبارى كۇتىپ وتىر دەپ ويلايمىن. ەكەۋمىزدىڭ دە ءوز ءادىس-تاسىلىمىز بار، ايقاس قالاي اياقتالاتىنىن بولجاۋ قيىن. بۇل جەكپە-جەكتىڭ ءقاۋپى – ءقازىر باسقا جاعداي، باسقا ەموسيا جانە باسقا جاستامىز. جانكۇيەرلەر ءۇشىن ۇلكەن سىي بولادى دەپ ۇمىتتەنەمىن. ءقازىر ءوز بابىمدامىن. جاتتىقتىرۋشىم دجوناتون بەنكس ماعان كومەكتەستى. مەن بولجام جاساي المايمىن. بۇل بوكس. ەكەۋمىز دە 100% دايىنبىز. بۇل ءبىز ءۇشىن ۇلكەن ايقاس. ءبىراق، بۇل ايقاس مەن ءۇشىن قاراپايىم جەكپە-جەك، سەبەبى مەن ونى جاقسى بىلەمىن، ول دا مەنى جاقسى تانيدى. مۇنداي دەڭگەيدەگى ءار ايقاس اسا ماڭىزدى. مەن دە ول سياقتى ءوز جۇمىسىما 100% بارىمدى سالىپ جاتىرمىن»، - دەدى گولوۆكين FOX Deportes-كە بەرگەن سۇحباتىندا.