ديماشتىڭ Stranger كونسەرتى 2022 جىلدىڭ 23 قىركۇيەگىندە الماتىنىڭ ورتالىق ستاديونىندا وتەدى
14 شىلدەدە الەمگە تانىمال قازاقستاندىق ءانشى ديماش قۇدايبەرگەننىڭ العاشقى جەكە كونسەرتىنە بيلەت ساتىلا باستادى.
Dimashnews.com اقپاراتى بويىنشا، العاشقى 15 مينۋت ىشىندە ءارتىستىڭ 36 ەلدەگى جانكۇيەرلەرى بيلەت ساتىپ العان. ديماش ءوزىنىڭ Instagram رەسمي اككاۋنتىندا Dears-كە العىسىن جەتكىزىپ، ولاردى تۋعان ەلىندە اسىعا كۇتەتىنىن ايتتى.
«بيلەت ساتىلىمى باستالعانى حابارلانعان سوڭ 15 مينۋت ىشىندە الەمنىڭ 36 ەلىنەن تىڭدارماندارىم بيلەت ساتىپ الدى. بۇگىن – بيلەت ساتىلىمىنىڭ ەكىنشى كۇنى. ودان دا كوپ قوناقتار بولادى دەپ ۇمىتتەنەمىن. مەنى قولداعاندارىڭىزعا كوپ راقمەت! بارشاڭىزدى جاقسى كورەمىن. 23 قىركۇيەكتە الماتىدا كەزدەسكەنشە!» – دەپ جازدى ءانشى.
ديماشتىڭ Stranger كونسەرتى 2022 جىلدىڭ 23 قىركۇيەگىندە الماتى قالاسىنىڭ ورتالىق ستاديونىندا وتەدى. بيلەتتەردى مىنا سىلتەمەدەن ساتىپ الۋعا بولادى.