وزبەكستان رەسپۋبليكاسىنىڭ پرەزيدەنتى شاۆكات ميرزيويەۆ تاشكەنتتە World Boxing حالىقارالىق فەدەراسياسىنىڭ پرەزيدەنتى گەنناديي گولوۆكيندى قابىلدادى، دەپ حابارلايدى Aqshamnews.kz ءتىلشىسى.
كەزدەسۋ بارىسىندا تاراپتار وليمپيادالىق بوكستى دامىتۋ، حالىقارالىق ىنتىماقتاستىقتى نىعايتۋ جانە ورتاق جوبالاردى ىسكە اسىرۋ ماسەلەلەرىن تالقىلادى. گولوۆكين وزبەكستاننىڭ ازياداعى بوكستى دامىتۋداعى رولىنە ەرەكشە توقتالىپ، ەلدىڭ الەمدىك جانە قۇرلىقتىق دەڭگەيدەگى جارىستاردى ۇيىمداستىرۋ تاجىريبەسىن اتاپ ءوتتى.
سونىمەن قاتار، تاراپتار سپورت نىساندارىن دامىتۋ، وليمپيادالىق قوزعالىس اياسىنداعى ءوزارا ىنتىماقتاستىقتى جۇيەلەۋ جانە ورتاق جوبالاردى جۇزەگە اسىرۋ باعىتتارىن تالقىلادى.
گولوۆكين جىلى قابىلداۋى ءۇشىن العىسىن ءبىلدىرىپ، فەدەراسيانىڭ وزبەكستانمەن ىنتىماقتاستىقتى جالعاستىرىپ، وڭىردە بوكستى دامىتۋعا ارنالعان جوبالاردى جۇزەگە اسىرۋعا دايىن ەكەنىن ايتتى. ايتا كەتەيىك، گەنناديي گولوۆكين تاشكەنتتە جۇمىس ساپارىمەن ءجۇر جانە بۇعان دەيىن ازيا وليمپيادالىق كەڭەسىنىڭ باس اسسامبلەياسىنا قاتىسقان بولاتىن.