اقتوبە وبلىسىندا ورتالىق بازارداعى زەرگەرلىك شەبەرحانالاردىڭ بىرىندە جۇمىس ىستەيتىن زەرگەر كليەنتتەردى الداپ، التىن بۇيىمدارىن لومباردقا وتكىزگەنى انىقتالدى، دەپ حابارلايدى Aqshamnews.kz ءتىلشىسى.
وبلىستىق پوليسيا دەپارتامەنتىنىڭ مالىمەتىنشە، زەرگەرگە قاتىستى بىرنەشە ازاماتتان ارىز تۇسكەن. ول كليەنتتەردەن التىن بۇيىمداردى جوندەۋ نەمەسە اشەكەي جاساۋ ءۇشىن قابىلداپ الىپ، كەيىن ولاردى لومباردقا وتكىزىپ، تۇسكەن اقشانى جەكە قاجەتتىلىكتەرىنە جۇمساعان.
«قازىرگى تاڭدا ونىڭ كەمىندە 20 الاياقتىق دەرەگىنە قاتىسى بارى انىقتالدى. جابىرلەنۋشىلەرگە كەلتىرىلگەن جالپى شىعىن 12 ميلليون تەڭگەدەن اسادى. كۇدىكتى ۋاقىتشا ۇستاۋ يزولياتورىنا قامالدى، تەرگەۋ جۇمىستارى جۇرگىزىلىپ جاتىر»، – دەلىنگەن حابارلامادا.