الماتى قالاسىنىڭ اۋەزوۆ اۋدانى، اباي-مومىش ۇلى كوشەلەرىنىڭ قيىلىسىندا ورنالاسقان كافەدە ءورت بولدى، دەپ حابارلايدى almaty-akshamy.kz تجد باسپا ءسوز قىزمەتىنە سىلتەمە جاساپ.
تجد مالىمەتىنشە، ءورت جەتىسۋ-3 شاعىناۋدانىندا، 1/ب ءۇيدىڭ جانىندا بولعان.
«ءورتتى ءسوندىرۋ قىزمەتى كەلگەندە گاراجدان باستالعان جالىننىڭ كافەنىڭ شاتىرىنا اۋىسقانى انىقتالدى»، - دەيدى تجد باسپا ءسوز قىزمەتى.
جالىندى اۋىزدىقتاۋعا جەكە قۇرامانىڭ 64 ادامى جانە 18 بىرلىك تەحنيكاسى جۇمىلدىرىلدى. كەشكى ساعات 20:00-دە ءورت ءوشىرىلدى. ءورتتىڭ اۋدانى 500 شارشى مەتردەن اسادى.
ناقتىلانعان اقپاراتقا سايكەس «Ginallike» كافەسىنەن باستالعان ءورت، Rise Hall مەيرامحاناسىنىڭ شاتىرىنا جانە ساۋدا پاۆيلوندارىنا اۋىسقان. زارداپ شەككەندەر تۋرالى اقپارات جوق. ءورتتىڭ سەبەبى انىقتالۋدا.