جىلدىڭ سوڭىنا قاراي گەرمانيادا يادرولىق ەنەرگيادان باس تارتۋدىڭ جاڭا كەزەڭىنە ءوتتى
31 جەلتوقساندا ەلدىڭ سولتۇستىگىندە ورنالاسقان بروكدورف اتوم ەلەكتر ستانسياسىن قوسا العاندا، ءۇش اتوم ەلەكتر ستانساسى ءوشىرىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
گەرمانياداعى اتوم ەلەكتر ستانسالارىنىڭ جۇمىسىن توقتاتۋ تۋرالى شەشىم 2011 جىلى جاپونيانىڭ فۋكۋسيما اتوم ەلەكتر ستانساسىنداعى اپاتتان كەيىن قابىلدانعان بولاتىن. بۋندەستاگتا داۋىس بەرۋ كەزىندە بۇل باستامانى 600 دەپۋتاتتىڭ 513ء-ى قولدادى. ەڭ ەسكى رەاكتورلار بىردەن توقتاتىلدى، ال قالعان توعىزىن كەزەڭ-كەزەڭىمەن جابۋ تۋرالى شەشىم قابىلداندى. بيىل ەلەكتر قۋاتىن ءوندىرۋدى توقتاتاتىن باۆاريا، تومەنگى ساكسونيا جانە شلەزۆيگ-گولشتەيندە ورنالاسقان ءۇش اتوم ەلەكتر ستانساسىنان كەيىن قالعان ءۇش اتوم ەلەكتر ستانساسى كەلەسى جىلدىڭ سوڭىنا دەيىن جابىلادى. اەس-تى توقتاتۋعا بايلانىستى جۇمىستار تاعى بىرنەشە جىل جالعاسادى. بۇل رەتتە ەل جاڭارتىلعان ەنەرگيا كوزدەرىنە كوبىرەك كوشۋدى جوسپارلاپ وتىر. 2030 جىلعا قاراي ەلەكتر ەنەرگياسىنىڭ 80%-ى جەل تۋربينالارى، كۇن باتارەيالارى نەمەسە بيوگاز قوندىرعىلارى ارقىلى وندىرىلەدى دەپ بولجانۋدا.