گەرمانيادا قىركۇيەك ايىنىڭ سوڭىندا وتكەن پارلامەنتتىك سايلاۋدان كەيىن جاڭا ۇكىمەت قۇرۋ تۋرالى كەلىسسوز ءالى ءجۇرىپ جاتىر
ساياسي دودادا ولاف شولس باستاعان سوسيال-دەموكراتتار جەڭىسكە جەتكەن، دەپ حابارلايدى Almaty-akshamy.kz
ال انگەلا مەركەلدىڭ حريستيان-دەموكراتيالىق پارتياسى ءسال عانا ايىرماشىلىقپەن جەڭىلىپ قالعان ەدى.
ءبىراق كونسەرۆاتورلار ءوز ىشىندە كادرلىق وزگەرىستەر جۇرگىزىپ، دودانى جالعاستىرۋعا نيەتتى. ءقازىر قوس پارتيا كواليسيالىق ۇكىمەت قۇرۋ تۋرالى كەلىسسوز جۇرگىزىپ جاتىر.
ەكى ساياسي كۇش تە شاعىن پارتيالارمەن بىرىگۋدى قالايدى. تاراپتار بىرنەشە رەت كەزدەسۋ وتكىزدى. ال ساراپشىلار سوسيال-دەموكراتتار مەن جاسىلدار جانە ەركىن دەمكورراتتاردان تۇراتىن ۇكىمەت قۇرىلاتىن شىعار دەپ پايىمدايدى.
مۇنداي جاعدايدا گەرمانيانىڭ كانسلەرى ولاف شولس بولۋى ىقتيمال.
«بارلىق پارتيالار جانتالاسىپ جاتىر. كەلىسسوزدەردەن ناتيجە كۇتۋگە بولادى. بارلىق ءۇش پارتيا دا ءوز جوسپارىن جۇزەگە اسىرىپ، روجدەستۆو مەيرامىنا دەيىن گەرمانيادا جاڭا ۇكىمەت قۇرىلادى دەپ ويلايمىن»، - دەدى سوسيال-دەموكراتيالىق پارتيانىڭ كوشباسشىسى ولاف شولس.