ەلەكتروساموكاتتار مەن گيروسكۋتەرلەر ءقاۋىپتى مە؟

بيىل وسى كولىكتەردىڭ كەسىرىنەن 25 ادام قازا تاۋىپ، 411 ازامات جاراقات العان.

دەپۋتات نۇرتورە ءجۇسىپ مۇنداي قۇرىلعىلاردىڭ شەتتەن اكەلۋىن شەكتەۋ بويىنشا شارالار قابىلداۋدىڭ ماڭىزدى ەكەنىن ايتتى، دەپ حابارلايدى Almaty-akshamy.kz

دەپۋتاتتىڭ ايتۋىنشا، ەلەكتروساموكاتتار، ساموكاتتار مەن گيروسكۋتەرلەر تەك ولاردىڭ يەلەرىنىڭ عانا ەمەس، جاياۋ جۇرگىنشىلەردىڭ دە ءومىرى مەن دەنساۋلىعىنا ەلەۋلى ءقاۋىپ توندىرەدى. رەسمي دەرەكتەر بويىنشا، بيىلعى 8 ايىندا وسىنداي قوزعالىس قۇرالدارىنىڭ قاتىسۋىمەن 387 جاعداي تىركەلگەن، ناتيجەسىندە 25 ادام قازا تاپقان، ال 411 ازامات جاراقات العان.

«ەلەكتروساموكاتتاردى اكەلۋدى جانە ءقاۋىپسىز پايدالانۋدى قۇقىقتىق رەتتەۋ قاجەت دەپ بىلەمىز. سىزدەن جوعارىدا اتالعان قۇرىلعىلاردى جىكتەۋ جانە زاڭنامالىق اكتىلەرگە ءتيىستى تۇزەتۋلەر ەنگىزۋ ماسەلەسىن تەزدەتىپ پىسىقتاۋدى سۇرايمىن. ەۋرازيالىق ەكونوميكالىق وداقتىڭ سالالىق تەحنيكالىق رەگلامەنتتەرىنىڭ نورمالارىن ەسكەرە وتىرىپ، كەدەندىك باقىلاۋدى جۇزەگە اسىرۋ اياسىندا رەگلامەنتتەر مەن ستاندارتتاردىڭ تالاپتارىنا سايكەس كەلمەيتىن قۇرىلعىلاردىڭ شەتتەن اكەلۋىن شەكتەۋ بويىنشا شارالار قابىلداۋ ماڭىزدى»، - دەدى نۇرتورە ءجۇسىپ ق ر پرەمەر-مينيسترىنىڭ ورىنباسارى رومان سكليارعا جولداعان دەپۋتتاتىق ساۋالىندا.