گەرمانيادان قۇتتىقتاۋ جەدەلحاتى كەلدى
گەرمانيا پرەزيدەنتى فرانك-ۆالتەر شتاينمايەر دە ءوزىنىڭ جۇرەكجاردى قۇتتىقتاۋىن جولداعان، دەپ حابارلايدى Almaty-akshamy.kz اkorda.kz-كە سىلتەمە جاساپ.
– كوروناۆيرۋس پاندەمياسى ءوزارا بايلانىستارىمىزدى شەكتەسە دە، ەلدەرىمىز وتكەن جىلى تۇراقتى جانە جەمىستى قارىم-قاتىناستاردى جالعاستىردى. اۋعانستانداعى جۋىردا بولعان وقيعالار جانە كۇننەن كۇنگە كۇشەيىپ جاتقان كليماتتىق وزگەرىستەردىڭ اسەرى سىزدەردىڭ ايماققا جاڭا ءارى كۇردەلى مىندەت جۇكتەپ وتىر. ءبىز مۇنى جاقسى سەزىنەمىز. گەرمانيا الداعى ۋاقىتتا وسى جانە باسقا دا سىن-قاتەرلەردى ءساتتى ەڭسەرۋدە جانە ءسىز قولداعان رەفورمالار باعىتىن جالعاستىرۋ جولىندا قازاقستاننىڭ سەنىمدى سەرىكتەسى بولىپ قالا بەرەدى، – دەپ فرانك-ۆالتەر شتاينمايەر ءوزىنىڭ جەدەلحاتىندا اتاپ وتكەن.