گەرمانيا جاڭا شەكتەۋلەر ەنگىزدى

گەرمانيادا ەكپە الماعانداردىڭ جاعدايى قيىنداي ءتۇستى

گەرمانيا ىندەتتىڭ ءتورتىنشى تولقىنىمەن كۇرەس باستادى، دەپ حابارلايدى Almaty-akshamy.kz 24.kz-كە سىلتەمە جاساپ

بيلىك جاڭادان شەكتەۋلەر ەنگىزدى. اسىرەسە، ۆاكسينا سالدىرماعاندارعا ءتارتىپ قاتاڭ. ولار كينو، تەاتر جانە كورمەگە بارا المايدى.

مەيرامحانالارعا دا كىرگىزبەيدى. ال ىندەت ورشىگەن ايماقتاردا كلۋبتار جابىلىپ، توي-دۋماندارعا قاتىساتىن ادامداردىڭ سانى كەمىتىلدى. فۋتبول جانە باسقا دا سپورت ويىندارى قايتادان جانكۇيەرلەرسىز وتەدى. ال وقۋشىلار مەكتەپكە بارا بەرەدى. ءبىراق بەتپەردە كيۋ مىندەت. 

«ءبىز ءتورتىنشى تولقىننىڭ شارىقتاۋ شەگىندە تۇرمىز. جاعداي وتە كۇردەلى. سوندىقتان ايماقتاردا ناۋقاس سانىنا قاراماستان، مادەني جانە سپورتتىق شارالارعا ەكپە سالدارعاندار عانا بارا الادى. كەي جاعدايلاردا پتر-تەست تاپسىرۋ تالاپ ەتىلەدى. بيلىك ۆاكسينا الماعانداردى ۇگىتتەپ جاتىر. ەكپەنى الداعى ۋاقىتتا ۆاكسينالاۋ ورتالىقتارى مەن ءموبيلدى ستانسيالاردان بولەك، ءتىس دارىگەرلەرى جانە ءدارىحانالاردا دا الۋعا بولادى. قازىرگە دەيىن گەرمانيادا حالىقتىڭ 70 پروسەنتى تولىق ۆاكسينا العان»، - دەدى گەرمانيا كاسلەرىنىڭ مىندەتىن اتقارۋشى انگەلا مەركەل.