گەرمانيا ەلىمىزگە كومەك كورسەتۋگە دايىن

نەمىس كاسىپكەرلەرى ەلىمىزدە تاسقىننان زارداپ شەككەن تۇرعىندارعا جاردەمدەسۋگە ءازىر.

گەرمانيالىق بيزنەسمەندەر قازاقستان ەلشىلىگىنە تەحنيكالىق جانە گۋمانيتارلىق كومەك كورسەتۋ تۋرالى ۇسىنىس جاسادى. ولار قۇتقارۋشىلارعا سورعى تەحنيكاسى مەن تراكتورلار بەرۋگە نيەتتى،دەپ حابارلايدى Almaty-akshamy.kz 24.kz-كە سىلتەمە جاساپ.

بۇدان بولەك نەمىس كاسىپكەرلەرى بىزدەگى قايىرىمدىلىق قورلارىنا اقشا اۋدارعان. ءقازىر جەرگىلىكتى بيلىك پەن عىلىمي ينستيتۋتتار اراسىندا سۋ تاسقىنىنا قاتىستى تاجىريبە الماسىپ، بىرلەسكەن زەرتتەۋلەر جۇرگىزۋ بويىنشا كەلىسسوزدەر ءجۇرىپ جاتىر.

«قازاقستانمەن جۇمىس ىستەپ جاتقانىما 3 جىل بولدى. ءبىز پايدالى قازبالاردى بارلاۋ جانە ءوندىرۋ سالالارىنداعى جوبالارمەن اينالىسامىز. قازاقستانداعى تابيعات اپاتى جايلى بىلەمىز. سەرىكتەس رەتىندە ەلگە كومەكتەسۋ كەرەك دەپ شەشتىك»، - دەيدى  HMS Bergbau AG كومپانياسىنىڭ باسقارما ءتوراعاسى دەننيس شۆيندت.

«ىنتىماقتاستىق، كومەك، قولداۋ دەگەن سوزدەردى ءجيى ەستيمىز. ءبىراق وسىنداي قيىن كەزەڭدە عانا ولاردىڭ ماعىناسىن تۇسىنۋگە بولادى. استانا قالاسىنىڭ اكىمدىگىمەن بايلانىستامىز. ەگەRhenus Logistics كومپانياسىنىڭ شىعىس ەۋروپا جانە ورتالىق ازياداعى جوبالارىنىڭ جەتەكشىسىر اكىمدىك دەڭگەيىندە كومەك جينالسا، ءبىزدىڭ كومپانيا ونى سۋ باسقان وڭىرلەرگە جەتكىزىپ بەرۋگە دايىن»، - دەيدى Rhenus Logistics كومپانياسىنىڭ شىعىس ەۋروپا جانە ورتالىق ازياداعى جوبالارىنىڭ جەتەكشىسى الەكساندرا وگنيەۆا.