بۇل تۋرالى ميگرانتتار ماسەلەسىنە ارنالعان قاراردا ايتىلعان.
نەمىس كانسلەرى ولاف ءشولستىڭ ايتۋىنشا، اقشا كوبىنە ۋكراينادان قونىس اۋدارعاندارعا بەرىلەدى. نەگىزى بيلىك بۇل ماقساتقا 2،5 ملرد ەۋرو ءبولۋدى ۇسىنعان بولاتىن، دەپ حابارلايدى Almaty-akshamy.kz 24.kz-كە سىلتەمە جاساپ.
ويتكەنى بوسقىندارعا قامقورلىق جاساۋ ىسىنە جالپى 16 ملرد ەۋرو قاجەت. شولس وتكەن جىلدىڭ باسىنان بەرى 1 ملن-داي ۋكراينا ازاماتى كەلگەنىن ايتادى. ال بيىلعى قاڭتار مەن ءساۋىر ارالىعىندا 100 مىڭعا جۋىق بوسقىن پانا سۇراپ، ءوتىنىش جازعان. بۇل 2022 جىلمەن سالىستىرعاندا 78%-كە كوپ.
«بۇگىنگى كەلىسىمدەردىڭ ناتيجەسىندە ۇكىمەت 1 ملرد ەۋرو بولەتىن بولدى. بۇل اقشا كوشى-قون قىزمەتىن سيفرلاندىرۋعا جانە جەرگىلىكتى اكىمدىكتەرگە كۇردەلى ءىستى اتقارۋعا قولداۋ كورسەتۋگە جۇمسالماق»، - دەيدى گەرمانيا كانسلەرى ولاف شولس.