الماتىدا 2023 جىلدىڭ 30 ماۋسىمىنا دەيىن جالعاساتىن «ورتا ءبىلىم بەرۋدىڭ ۇزدىك ۇيىمى» گرانتىن بەرۋگە ارنالعان جىل سايىنعى بايقاۋدىڭ قالالىق كەزەڭى باستالدى، دەپ حابارالايدى almaty-akshamy.kz
بايقاۋدىڭ ماقساتى – ءتيىمدى پەداگوگيكالىق جانە باسقارۋشىلىق تاجىريبەنى جيناقتاۋ مەن تاراتۋ، ق ر ورتا ءبىلىم بەرۋ جۇيەسىنىڭ دامۋ ۇردىستەرىن انىقتاۋ. جارىس قالانىڭ ءبىلىم بەرۋ ۇيىمدارىنىڭ پەداگوگتەرى مەن باسشىلارىنىڭ كاسىبي جانە جەكە وسۋىنە ىقپال ەتۋگە ارنالعان.
قازاقستاندىق ءبىلىم بەرۋدىڭ باسەكەگە قابىلەتتىلىگىن قامتاماسىز ەتۋ جانە جوعارى رەيتينگتىك كورسەتكىشتەرگە قول جەتكىزۋ ءۇشىن قاتىسۋشىلاردى ىرىكتەۋ مىناداي كريتەرييلەر بويىنشا جۇزەگە اسىرىلادى:
1) وقىتۋدا اقپاراتتىق-كوممۋنيكاسيالىق تەحنولوگيالاردى ەنگىزۋ؛
2) ساپالى ءبىلىم بەرۋدىڭ قولجەتىمدىلىگىن قامتاماسىز ەتۋ؛
3) كادرلىق قامتاماسىز ەتۋ؛
4) ماتەريالدىق-تەحنيكالىق قامتاماسىز ەتۋ؛
5) ءبىلىم الۋشىلاردىڭ دەنساۋلىعىن ساقتاۋ ءۇشىن جاعدايلار جاساۋ، ولاردىڭ قاۋىپسىزدىگىن قامتاماسىز ەتۋ؛
6) پەداگوگتەر مەن باسشىلاردىڭ كاسىبي جانە جەكە ءوزىن-وزى دامىتۋ ءۇشىن جاعدايلار جاساۋ؛
7) ينكليۋزيۆتى ءبىلىم بەرۋ ءۇشىن جاعداي جاساۋ؛
8) سوڭعى ءۇش جىلداعى وقۋشىلاردى وقىتۋداعى رەيتينگتىك كورسەتكىشتەر؛
9) ءبىلىم بەرۋ ساپاسىن باسقارۋ؛
10) ءبىلىم بەرۋ ساپاسىن سىرتقى جانە ىشكى باعالاۋ ناتيجەلەرى؛
11) حالىقارالىق ىنتىماقتاستىقتى جۇزەگە اسىرۋ.
بايقاۋدىڭ اۋداندىق كەزەڭى 10-28 ءساۋىر ارالىعىندا ءوتتى. قالالىق بايقاۋ كوميسسيانىڭ جۇمىسى 30 ماۋسىمدا اياقتالادى.
بايقاۋعا بارلىق مەملەكەتتىك ورتا ءبىلىم بەرۋ ۇيىمى قاتىسادى. ءار اۋداننان ۇسىنىلعان سەگىز ءبىلىم بەرۋ ۇيىمى ارنايى قۇرمەت ديپلومىمەن ماراپاتتالادى، ال جەڭىمپاز الماتى قالاسى اكىمىنىڭ 56 ملن تەڭگە سوماسىنداعى گرانتىن يەلەنگەنى تۋرالى سەرتيفيكات الادى.
گرانتتى تاپسىرۋ 2023 جىلدىڭ تامىز ايىندا قالالىق پلەنارلىق كونفەرەنسيادا جوسپارلانىپ وتىر. «ورتا ءبىلىم بەرۋدىڭ ۇزدىك ۇيىمى» رەتىندە گرانت العان مەملەكەتتىك ورتا ءبىلىم بەرۋ مەكەمەسىنە ماتەريالدىق-تەحنيكالىق جابدىقتاندىرۋدى جاقسارتۋعا جانە ءبىلىم بەرۋ ۇدەرىسىن عىلىمي-ادىستەمەلىك قامتاماسىز ەتۋگە قاراجات اۋدارىلادى.
قوسىمشا سۇراقتار بويىنشا 8 702 299-24-27 نومىرىنە، قالالىق عىلىمي-تاجىريبەلىك عىلىمي-ادىستەمەلىك جۇمىس ءبولىمىنىڭ باسشىسى اكىمجان سايلىبايەۆقا حابارلاسۋعا بولادى،
الماتى قالاسى ءبىلىم بەرۋدەگى جاڭا تەحنولوگيالار عىلىمي-ادىستەمەلىك ورتالىعى.
الماتى قالاسىنىڭ ءبىلىم باسقارماسى