وليمپيادا ويىندارىنىڭ كۇمىس جۇلدەگەرى، قازاقستاننىڭ ۇلتتىق وليمپيادالىق كوميتەتىنىڭ پرەزيدەنتى گەنناديي گولوۆكين World Boxing ۇيىمىنىڭ پرەزيدەنتى بولىپ سايلاناتىن بولدى، دەپ حابارلايدى Aqshamnews.kz ءتىلشىسى ۇيىمنىڭ رەسمي سايتىنا سىلتەمە جاساپ.
World Boxing مالىمەتىنشە، گولوۆكين 2025 جىلدىڭ 23 قاراشاسىندا وتەتىن كونگرەسس كەزىندە اككلاماسيا جولىمەن پرەزيدەنتتىككە بەكىتىلەدى. سول ساتتە ول وكىلەتتىلىكتى قازىرگى پرەزيدەنت بوريس ۆان دەر ۆورستتان قابىلداپ الادى.
اككلاماسيا — شەشىم قابىلداۋدىڭ جەڭىلدەتىلگەن ءراسىمى. ۇيىم حابارلاعانداي، گەنناديي گولوۆكيننىڭ كانديداتۋراسىن تاۋەلسىز سىرتقى ساراپشىلاردان تۇراتىن تەكسەرۋ كوميسسياسى قاراپ، سايلاۋعا قاتىسۋعا تولىق ماقۇلداعان.
ايتا كەتەيىك، World Boxing — 2023 جىلى قۇرىلعان حالىقارالىق فەدەراسيا. ول حالىقارالىق وليمپيادا كوميتەتىمەن جۇمىس ىستەپ، بوكس سپورتىن وليمپيادا باعدارلاماسىنا قايتارۋدى ماقسات ەتەدى. بۇعان دەيىن حالىقارالىق بوكس قاۋىمداستىسى (IBA) ءبىرقاتار داۋلى جاعدايلاردان كەيىن حوك تاراپىنان تانۋ مارتەبەسىنەن ايىرىلعان بولاتىن.
2025 جىلدىڭ 25 اقپانىندا حوك World Boxing ۇيىمىنا بوكس سپورتىن الەمدىك دەڭگەيدە باسقاراتىن حالىقارالىق فەدەراسيا رەتىندە ۋاقىتشا تانۋ بەرگەن.