كاسىپقوي بوكستان ورتا سالماقتاعى الەمنىڭ ەكس-چەمپيونى گەنناديي گولوۆكين ۇلتتىق وليمپيادا كوميتەتىنىڭ پرەزيدەنتى بولىپ سايلاندى.
قوعامدىق بىرلەستىكتىڭ باسشىسىن سايلاۋ جابىق ەسىك جاعدايىندا ءوتnءى. وعان ب ا ق شاقىرىلمادى، دەپ حابارلايدى اlmaty-akshamy.kz.
بىلتىر گەنناديي گولوۆكين رەسمي تۇردە IBO تۇجىرىمى بويىنشا ورتا سالماقتاعى الەم چەمپيونى اتاعىنان باس تارتتى. بۇل ونىڭ وسى كەزگە دەيىنگى سوڭعى اتاعى ەدى.
IBO پرەزيدەنتى ەد ليەۆين گولوۆكيننىڭ الەم چەمپيونى اتاعىنان باس تارتقاننان كەيىن ورتا سالماقتاعى اتاق ءۇشىن باسقا بوكسشىلاردىڭ جەكپە-جەگىنە رۇقسات بەرىلەتىنىن ايتتى.
بۇعان دەيىن گەنناديي گولوۆكين WBA Super جانە IBF چەمپيوندىق بەلبەۋلەرىنەن باس تارتقان بولاتىن. ەندى ونىڭ الەم چەمپيونى دەگەن اتاعى قالمادى.
GGG سوڭعى رەت شارشى الاڭعا 2022 جىلدىڭ كۇزىندە شىققان ەدى. سول كەزدە ول ساۋل «كانەلو» الۆارەسكە (59-2-2، 39 كو) قارسى جەكپە-جەك وتكىزىپ، تورەشىلەر ءبىراۋىزدان جەڭىستى مەكسيكالىق بوكسشىنىڭ ەنشىسىنە جازدى.