جارىس باعدارلاماسىنا پرەزيدەنتتىك كوپسايىس جاتتىعۋلارى، اتاپ ايتقاندا جاسوسىپىرىمدەر ءۇشىن بەلتەمىردە تارتىلۋ، قىزدار ءۇشىن شالقالاپ جاتىپ دەنەنى كوتەرۋ، سونداي-اق ءۇش شاقىرىمدىق شاڭعى جارىسى جانە پنيەۆماتيكالىق مىلتىقتان وق اتۋ كىرەدى.
ءىس-شارانى ۇيىمداستىرۋعا قورعانىس مينيسترلىگىنىڭ ورتالىق سپورت كلۋبى، قارۋلى كۇشتەردىڭ ۇلتتىق اسكەري-پاتريوتتىق ورتالىعى جانە "جاس سارباز" رەسپۋبليكالىق بالالار-جاسوسپىرىمدەر اسكەري-پاتريوتتىق قوزعالىسى مۇرىندىق بولدى. جارىسقا قوزعالىستىڭ جالپى سانى 45 تاربيەلەنۋشىسى ەلىمىزدىڭ تۇكپىر-تۇكپىرىنەن كۇشتىك جاتتىعۋلاردان، نىسانانى ءدال كوزدەۋدەن جانە جىلدامدىقتان باعىن سىناۋعا كەلدى.
ەرەجەگە سايكەس، سپارتاكيادا 14-17 جاسقا دەيىنگى جاسوسپىرىمدەر اراسىندا وتەدى، دەپ حابارلايدى Almaty-akshamy.kz ق ر قورعانىس مينيسترلىگىنە سىلتەمە جاساپ.
جارىستىڭ سالتاناتتى اشىلۋىندا جاس ساربازدىقتارعا ارناپ قورعانىس مينيسترلىگى سپورت كوميتەتىنىڭ ءتوراعاسى – ورتالىق سپورت كلۋبىنىڭ باستىعى پولكوۆنيك ارمان ابەۋوۆ، قارۋلى كۇشتەر ۇلتتىق اسكەري-پاتريوتتىق ورتالىعىنىڭ باستىعى ارمان اسەنوۆ، "جاس سارباز" رەسپۋبليكالىق بالالار-جاسوسپىرىمدەر اسكەري-پاتريوتتىق قوزعالىسىنىڭ ءتوراعاسى مايور مەيىربەك مەڭدىعالييەۆ ءسوز سويلەدى.
«مۇنداي جارىستار جەتكىنشەكتەرگە شىنىعىپ، توزىمدىلىك پەن كوشباسشىلىق قاسيەتتەردى دامىتۋعا ىقپال ەتەدى. بۇدان وزگە سايىس بىرلىكتى كورسەتۋ جانە ۇجىمدىق رۋحتى قالىپتاستىرۋ ءۇشىن تاماشا مۇمكىندىك»، – دەپ اتاپ ءوتتى پولكوۆنيك ا. ابەۋوۆ.
جاس ساربازدىقتاردىڭ قىسقى سپارتاكياداسى ءۇشىنشى جىل قاتارىنان وتكىزىلىپ جاتىر. بۇل جولى وعان 15 كوماندا قاتىسۋدا. كوماندالىق ەسەپتە جەڭىمپازدار سپورتشىلاردىڭ جيناعان ۇپاي سانىنا قاراي انىقتالادى.