گەنناديي گولوۆكين الەمنىڭ ۇزدىك بوكسشىلارى رەيتينگىندە تومەندەدى

GGG ەندى BoxRec رەيتينگىندە ەكىنشى ورىندا تۇر

قازاقستاندىق بوكسشى گەنناديي گولوۆكين (42-1-1، 37 كو) الەمنىڭ ۇزدىك بوكسشىلارى رەيتينگىندە كوشباسشى پوزيسياسىنان ايىرىلىپ قالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
Boxrec.com سايتى جاپوندىق ريوتا مۋراتانى (16-3، 13كو) جەڭگەن گولوۆكيننىڭ رەيتينگىن كەزەكتى مارتە جاڭارتتى.
ەندىگىدە گەنناديي گولوۆكين سالماق ساناتىنا قاراماستان بارلىق بوكسشىلار ەنگەن (pound-for-pound) BoxRec رەيتينگىندە ەكىنشى ورىندا تۇر. ونىڭ ۇپايى – 688،7. ايتا كەتەيىك، اتالعان رەسۋرس GGGء-دى مۋراتامەن ايقاستان كەيىنگى كەلەسى كۇنى ءبىرىنشى ورىنعا شىعارعان بولاتىن.
Boxrec.com رەيتينگىندە ءبىرىنشى ورىن قايتادان ماكسيكالىق بوكسشى ساۋل «كانەلو» الۆارەسكە (57-1-2، 39كو) بەرىلدى، 869،7 بالل.
الەمنىڭ ۇزدىك بوكسشىلارىنىڭ ۇشتىگىن امەريكالىق تەرەنس كروۋفورد (38-0، 29كو) تۇيىندەپ تۇر، 513،6 بالل.⠀
 ەسكە سالايىق، بيىلعى 9 ساۋىردە ريوتا مۋراتامەن جەكپە-جەكتە گەنناديي گولوۆكين WBA Super، IBF جانە IBO نۇسقالارى بويىنشا ورتا سالماقتاعى الەم چەمپيونى بەلدىكتەرىنىڭ يەسى بولدى.