گازبەن ۇزدىكسىز قامتاماسىز ەتۋ ءۇشىن تۇركسىب اۋدانىندا جوندەۋ جۇمىستارى جۇرگىزىلۋدە

تۇركسىب اۋدانىندا № 42 اپاتتىق گاز قۇدىعىن اۋىستىرۋ جۇرگىزىلەدى.

تۇتىنۋشىلارعا  گازدى ۇزدىكسىز جانە اپاتسىز بەرۋ ءۇشىن د-159 مم ورتا قىسىمدى جەراستى گاز قۇبىرىندا جۇمىستار جۇرگىزىلىپ جاتىر. «قازترانسگاز ايماق» اق الماتى وندىرىستىك فيليالىنىڭ باسپا ءسوز قىزمەتىنىڭ مالىمەتىنشە، كاسسين مەن ايباسوۆ كوشەلەرىنىڭ قيىلىسىندا قالپىنا كەلتىرۋ بويىنشا شارالار وتكىزىلۋدە، دەپ حابارلايدى Almaty-akshamy.kz.

ەستەرىڭىزگە سالا كەتەيىك، 30 قازاندا تۇركسىب جانە جەتىسۋ اۋداندارى بويىنشا  رىسقۇلوۆ – جانسۇگىروۆ – وماروۆ – سەرىكوۆ – قۇلاگەر ى/ا-سەيفۋللين-اقان سەرى – بەحتەر-دوستويەۆسكيي-لۋزين كوشەلەرىندەگى تۇرعىن ۇيلەر مەن نىساندارعا گاز بەرۋ توقتاتىلدى.

ىسكە قوسۋ جۇمىستارى 31.10.2023ج. باستالىپ، گازدان اجىراتىلعانداردىڭ كوپتىگىنە بايلانىستى 01.11.2023 جىلى  اياقتالادى. وسىعان بايلانىستى، تۇرعىنداردان «ينتەرگاز ورتالىق ازيا» اق مگقب الماتى گاز شارۋاشىلىعى قىزمەتكەرلەرى جۇرگىزەتىن جۇمىستار اياقتالعانعا دەيىن جانە ىسكە قوسۋ جۇمىستارى باستالعانعا دەيىن گاز كراندارىن جابۋدى جانە اشپاۋدى سۇرايمىز.

ءماجبۇرلى قولايسىزدىقتارعا تۇسىنىستىكپەن قاراۋدى سۇرايمىز، ويتكەنى جۇمىستار الماتى قالاسىنىڭ گاز جۇيەلەرىن اپاتسىز پايدالانۋ ءۇشىن ورىندالادى.