الماتىدا قارتتارعا ارنالعان يگى شارالار لەگى جالعاسىپ كەلەدى.
بۇگىن، 31 قازان كۇنى «ارداگەرلەر كەڭەسى» قوعامدىق قورىنا سۋ جاڭا اۆتوكولىكتىڭ كىلتى تابىس ەتىلدى دەپ حابارلايدى Almaty-aqshamy.kz.
الماتىدا قارتتارعا ارنالعان يگى شارالار لەگى جالعاسىپ كەلەدى. بۇگىن قازان ايىنداعى بارلىق يگى شارالاردىڭ قورىتىندىسى رەتىندە تۇركسىب اۋدانىندا «ارداگەرلەر كەڭەسىنە» سۋ جاڭا اۆتوكولىك تابىس ەتىلدى.
يگى شارا تۇركسىب اۋدانىنا ورنالاسقان Allur وتاندىق اۆتوكولىك كومپانياسىنىڭ اۋماعىندا ءوتتى. Chevrolet cobalt ماركالى اۆتوكولىك كىلتى اتالعان كومپانيانىڭ «ارداگەرلەر كەڭەسىنىڭ» ءتوراعاسى گاليا اسكاروۆاعا تاپسىردى.
«بۇل شىنىندا تاماشا سىيلىق بولدى. ءبىزدىڭ ارداگەرلەر كەڭەسىنىڭ مۇشەلەرىنە، ولاردىڭ ءتۇرلى الۋمەتتىك شارالارعا بەلسەندى قاتىسۋىنا مۇمكىندىك بەرەدى دەپ ەسەپتەيمىن. جالپى، ەلىمىزدە قارتتاردى، زەينەتكەرلەردى قولداۋ شارالارى تىنباي جالعاسىپ كەلەدى. پرەزيدەنت قاسىم-جومارت كەمەل ۇلى دا قارتتارعا كوڭىل بولۋ تۋرالى ارنايى تاپسىرمالار بەرىپ جاتىر. بۇل بۇنى تەك ريزاشىلىقپەن قابىلدايمىز»، – دەدى گاليا اسكاروۆا.
ول سونداي-اق، قارتتار مەن زەينەتكەرلەردىڭ الۋمەتتىك ومىردەن تىس قالماۋىنا ايرىقشا كوڭىل ءبولىپ كەلە جاتقان قالا جانە اۋدان اكىمدەرىنە دە ءوز العىسىن ءبىلدىردى.
ايتا كەتەيىك، الماتىداعى وزگە اۋداندارمەن قاتار تۇركسىب اۋدانىندا دا اي بويى ارداگەرلەر مەن زەينەتكەرلەردى قولداۋ بويىنشا ءتۇرلى شارالار ءوتىپ كەلدى. ونىڭ قاتارىندا ازىق-تۇلىك سەبەتتەرىن تاراتۋ، ءتۇرلى مادەني شارالاردى ۇيىمداستىرۋلار دا بار.
بۇگىن تابىس ەتىلگەن سۋ جاڭا اۆتوكولىك اۋدانداعى ارداگەرلەرگە قىزمەت كورسەتۋ ءۇشىن پايدالانىلماق.