الماتى وبلىسىنداعى گۇلدالا اۋىلىندا تابيعي گاز پليتاسى جارىلىپ، ءتورت ادام زارداپ شەكتى.
وقيعا، كەشە تاڭعى ۋاقىتتا ءسۇيىنباي مەن بايتۇرسىن ۇلى كوشەلەرىندە بولعان، دەپ حابارلايدى اlmaty-akshamy.kz.
جارىلىستان زارداپ شەككەن ەكى تۇرعىن الماتىداعى 4-كلينيكالىق ەمحاناسىنا جاتقىزىلدى. ال دەنەلەرىن كۇيىك شالعان تاعى ەكى تۇرعىن الماتى كوپسالالى كلنيكالىق اۋرۋحاناسىنا جەتكىزىلگەن.
"ناۋقاستار جانساقتاۋ بولىمىندە جاتىر. جاعدايلارى اۋىر. ولارعا ءتيىستى مەديسينالىق كومەك كورسەتىلۋدە"، - دەپ حابارلادى ەمحانانىڭ باسپا ءسوز قىزمەتى.
اپات قۇبىرداعى گاز قىسىمىنىڭ كۇرت جوعارىلاۋىنان بولۋى مۇمكىن. وقىس وقيعادان كەيىن توتەنشە جاعدايلار قىزمەتى مەن گازعا جاۋاپتى كومپانيا جەكە ۇيلەردى ارالاپ، گاز قاۋىپسىزدىگىن تەكسەرە باستادى.