وتكەن دەمالىس كۇندەرى ۇلى وتان سوعىسىنىڭ ارداگەرى شاڭگەرەي جانىبەكوۆ ءجۇز جىلدىعىن اتاپ ءوتتى. مەملەكەت باسشىسى قاسىم-جومارت توقايەۆ، ق ر پرەمەر-مينيسترى ولجاس بەكتەنوۆ، الماتى اكىمى ەربولات دوسايەۆ، جاقىندارى مەن تۋىستارى مايدانگەردى مەرەيتويىمەن قۇتتىقتادى.
شاڭگەرەي جانىبەكوۆ 1924 جىلى قوستاناي وبلىسىندا دۇنيەگە كەلگەن. ول 18 جاسىندا مايدانعا شاقىرىلعان كەزدە مەديسينالىق ۋچيليششەدە وقىدى. قوستاناي كەڭدىگى ارتتا قالدى، ال الدىندا- مايدان شەبى. سوعىس كەزىندە ول 2ء-شى ۋكراين جانە بريانسك مايداندارىنا قاتىستى، پولتاۆا، كيروۆوگراد، كرەمەنچۋك، حاركوۆ، بەلگورود، ۋكراينا، مولدوۆا، اۆستريا، ۆەنگريا، رۋمىنيا جانە چەحوسلوۆاكيا جەرلەرىن جاۋدان ازات ەتۋگە قاتىستى.
جەڭىس تۋرالى حاباردى مايدانگەر اۆستريادا مايدانگەر ەستىدى. كەڭەس ارمياسى قاتارىندا 5 جىل قىزمەت ەتتى. دەموبيليزاسيادان كەيىن وتانىنا ورالدى. قوستاناي اۋداندىق ەڭبەك دەپۋتاتتارى كەڭەسىنىڭ دەنساۋلىق ساقتاۋ ءبولىمىنىڭ مەڭگەرۋشىسى بولىپ جۇمىس ىستەدى. قازاق كسر مينيسترلەر كەڭەسى ءتوراعاسىنىڭ ورىنباسارى قىزمەتىن اتقاردى، وندا مادەنيەت، حالىققا ءبىلىم بەرۋ، دەنساۋلىق ساقتاۋ، الەۋمەتتىك قامسىزداندىرۋ، باسپا قىزمەتى، بۇقارالىق اقپارات قۇرالدارى جانە سپورت قوزعالىسى، شىعارماشىلىق وداقتار جانە باسقا دا قوعامدىق ۇيىمداردىڭ ماسەلەلەرىمەن اينالىستى.
1985 جىلدان باستاپ جاسىنا بايلانىستى زەينەتكەرلىككە شىقتى، ءبىراق قوعامدىق ومىرگە بەلسەندى قاتىسۋدى جالعاستىرۋدا. 1985 جىلدىڭ تامىزىنان 1993 جىلدىڭ جەلتوقسانىنا دەيىن شەتەلدە تۇراتىن قازاقتارمەن مادەني بايلانىس ورناتتى. قازاق رەسپۋبليكالىق سوعىس جانە ەڭبەك ارداگەرلەرى كەڭەسىنىڭ ءتوراعاسى، كەيىن 2001 جىلدىڭ ناۋرىزىنا دەيىن وسى كەڭەس پرەزيديۋمىنىڭ مۇشەسى بولدى.
1995 جىلدان 1998 جىلعا دەيىن قازاقستان حالقى اسسامبلەياسىنىڭ مۇشەسى بولدى. رەسپۋبليكانىڭ ءارتۇرلى دەلەگاسيالارىنىڭ باسشىسى رەتىندە ول موڭعولياعا، الجيرگە، اۆسترياعا، فيليپپينگە، يراكقا، اۋعانستانعا، ۆەتنامعا، يرانعا جانە دەلەگاسيا مۇشەسى بولىپ چەحوسلوۆاكياعا باردى.
ونىڭ ەڭبەكتەرى قازان توڭكەرىسى، II دارەجەلى وتان سوعىسى وردەندەرىمەن، ەڭبەك قىزىل تۋ وردەندەرىمەن، «ەرلىگى ءۇشىن» ەكى مەدالمەن، قازاق كسر جوعارعى كەڭەسىنىڭ قۇرمەت گراموتالارىمەن جانە باسقا دا ەڭبەك سىڭىرگەن ناگرادالارىمەن ماراپاتتالدى. 2017 جىلى شاڭگەرەي جانىبەكوۆكە الماتى قالاسىنىڭ قۇرمەتتى ازاماتى اتاعى بەرىلدى.
جۇبايىمەن بىرگە ءتورت بالا تاربيەلەپ ءوسىردى. بۇگىندە ارداگەردىڭ سەگىز نەمەرەسى جانە ءۇش شوبەرەسى بار.
مەملەكەت باسشىسىنىڭ جارلىعىمەن شاڭگەرەي جانىبەكوۆ 1941-1945 جىلدارداعى ۇلى وتان سوعىسىندا كورسەتكەن ەرلىگى مەن جانقيارلىعى، مەملەكەتتىك جانە قوعامدىق قىزمەتكە بەلسەندى قاتىسقانى ءۇشىن I دارەجەلى «بارىس» وردەنىمەن ماراپاتتالدى. قالا اكىمى ەربولات دوسايەۆ ارداگەردى جەكە قۇتتىقتاپ، وردەندى تابىس ەتتى.
«ەكى جىل بۇرىنعى جەڭىس كۇنىندە مەن ءسىزدىڭ 100 جىلدىق مەرەيتويىڭىزعا جەكە كەلەتىنىمدى ايتقان ەدىم. بۇگىن ءسىزدى وسى تاماشا مەرەيتوي كۇنىمەن قۇتتىقتاۋ، ەل باسشىسىنىڭ جىلى لەبىزدەرى مەن تىلەكتەرىن جەتكىزۋ، سىزگە لايىقتى ماراپاتتى تاپسىرۋ مەن ءۇشىن ۇلكەن قۇرمەت. دەنىڭىز ساۋ بولسىن! ءسىزدىڭ جاقىندارىڭىزعا باقىت، باق- بەرەكە تىلەيمىن»، - دەدى الماتى اكىمى.
قۇتتىقتاۋلاردى قابىلداي وتىرىپ، مەرەيتوي يەسى ريزاشىلىق ءبىلدىرىپ، باتاسىن بەردى، ەلگە بەيبىتشىلىك پەن تىنىشتىق تىلەدى.