عارىشتا قازاقستاننىڭ 6 جەر سەرىگى قالىقتاپ ءجۇر. ەكەۋى بايلانىسقا جاۋاپ بەرەتىن «Kazsat». ەكى اپپارات جەردى قاشىقتان زوندتايدى جانە «KazSTsat» دەپ اتالاتىن ەكى سپۋتنيك عىلىمي دەرەكتەر جيناقتايدى،-دەپ حابارلايدى اlmaty-akshamy.kz qazaqstan.tv-گە سىلتەمە جاساپ.
تۋرا وسىلاي ۇلتتىق ارنانىڭ اقپاراتىن كورىپ وتىرىپ ويلانىپ كوردىڭىز بە؟ مىناداي تەلەديدارىڭىز سيگنالدى قايدان الادى؟ مىڭداعان شاقىرىم جەردەگى ورتالىقپەن قايلاي بايلانىسادى؟ بايلانىستىڭ بارلىق ءتۇرى، تەلەارنالار، ينتەرنەت، مەملەكەتتىك ءتىپتى اسكەري بايلانىس تا اقكول قالاسىندا ورنالاسقان وسى عارىشتىق باسقارۋ ورتالىعى ارقىلى رەتتەلەدى. ناقتىراق ايتساق، قازسات-2 جانە قازسات-3 جەر سەرىكتەرى ءوزىمىزدى اقپاراتتىق جۇيەمەن تولىق قامتاماسىز ەتىپ وتىر.
سوندىقتان بۇل ەكى جەر سەرىگىن قازاقستاننىڭ قۇلاعى دەپ اتايدى. باسقارۋدى، اقپارات الۋدى تولىق قازاقستاندىق ماماندار مەڭگەرگەن ەكەۋى دە شامامەن 70 پايىزدىق جۇكتەمەدە جۇمىس ىستەپ جاتىر. ياعني، ءبىزدىڭ ماماندار كورشى ەلدەرگە سپۋتنيكتىك قىزمەتتەردى ەكسپورتتاي الادى.
- تەك قانا قازاقستان ەمەس سونىمەن قاتار قىرعىزستاننىڭ اۋماعىن قامتيمىز، 1-2 بايلانىس وپەراتورىمەن جۇمىس ىستەيمىز. سونىمەن قاتار بىلتىر تاجىكستان رەسپۋبليكاسىنىڭ ەكى كومپانياسىمەن كەلىسىمشارتقا وتىردىق. قازىرگى كەزدە ءبىر كومپانياسىمەن تولىقتاي جۇمىس جاساۋدامىز، - دەيدى «اقكول» رعبو جەتەكشى ينجەنەرى ديدار زارقۇموۆ.
قازسات قازاقستاننىڭ قۇلاعى بولسا، قازەوسات - كوزدەرى. سەبەبى بۇل جەر سەرىكتەرى جەر بەدەرىن الىستان زوندتتايدى، ياعني سۋرەتكە تۇسىرەدى. مىنا وبەكتيۆ ارقىلى تۇسىرىلگەن سۋرەتتەر ءار سالادا پايدالانىلادى. اۋىل شارۋاشىلىعى، توتەنشە جاعدايلار، ءتىپتى اكىمدىكتەر دە وسى فوتوسۋرەتتەردى پايدالانىپ جۇمىستارىن جۇرگىزەدى ەكەن. ماسەلەن، مىناۋ شاردارا سۋ قويماسىنىڭ تاسىعان كەزىندە جاسالعان سۋرەتتەر. قاي ەلدى مەكەندەردى سۋ باسقانىن، تاسقىن قاي باعىتتا جۇرگەنىن تولىق كورۋگە بولادى. قوستاناي وبلىسىندا بولعان ءورت كەزىندە دە سپۋتنيكتىك سۋرەتتەر ءورت ءسوندىرۋ جۇمىستارىن جەڭىلدەتكەن.ءتىپتى جەر سەرىكتەرى مەملەكەتتىك ورگانداردىڭ جالعان اقپارات تاراتپاۋى مەن جەمقورلىقپەن كۇرەسكە دە كومەكتەسە الادى.
- قانشا ورمان القابى شابىلدى، قانشا ناقتى اۋىل شارۋاشىلىعى داقىلدارى ەگىلدى - سونىڭ بارلىعى ينسترۋمەنتالدا تۇردە ولشەنگەن دەرەكتەر بولىپ تابىلادى. وبلىستاردان كەلىپ جاتقان ساراپتامالىق دەرەكتەرگە قوسىمشا اقپارات بولىپ تابىلادى. عىلىمي زەرتتەۋ باعىتىندا ۇشىرىلعان تاعى ەكى سپۋتنيگىمىز بار. ونىڭ ءبىرىن قازاقستاندىق "عالام" كومپانياسى قۇراستىرعان. بۇگىندە جۇمىسىن مۇلتىكسىز ورىنداپ جاتىر، - دەيدى «قازاقستان عارىش ساپارى» ۇك» اق دەپارتامەنت ديرەكتورىنىڭ ورىنباسارى بەرىك راحىمجانوۆ.
ءقازىر عىلىم مەن تەحنولوگيانىڭ دامىعان زامانىندا بارلىعى عالامتورعا، ياعني عارىشقا بايلانعان. ال، مەملەكەتتىك دەڭگەيدەگى قۇپيا اقپاراتتار وزگەنىڭ قولى ارقىلى وسىنداي جەر سەرىكتەرىنىڭ بولۋى قازاقستان ءۇشىن اسا ماڭىزدى. بۇل اقپاراتتىق قاۋىپسىزدىك ءۇشىن قاجەت دۇنيە.