گارري پوتتەر تۋرالى ءفيلمنىڭ جالعاسى تۇسىرىلەدى

فيلم ۇلكەن ەكرانعا ەكى بولىمدە شىعادى

Warner Brothers Studios «گارري پوتتەر مەن قارعىس اتقان بالا» جاڭا فرانشيزاسىن جاساۋعا كىرىستى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«Warner Bros ستۋدياسى «گارري پوتتەر مەن قارعىس اتقان بالا» كارتيناسىن ۇلكەن ەكرانعا شىعارۋ جولدارىن ىزدەپ جاتىر»، - دەپ جازدى The Sun باسىلىمى دەرەككوزگە سىلتەمە جاساپ.

مۇنداي شەشىم ۆەست-ەند تەاترىنداعى (West End theatre) پەسانىڭ تانىمالدىعىنا بايلانىستى قابىلدانعان.

«گارري پوتتەر مەن قارعىس اتقان بالا» ءفيلمىن ءتۇسىرۋ جوسپارى باستاپقى كەزەڭدە ەكەنى ناقتىلاندى. رەجيسسەرلەر دەنيەل رەدكليففتى ءوز رولىنە ورالۋعا شاقىرۋدى جوسپارلاپ وتىر. «فيلممەن جۇمىس ىستەپ جاتقان ءاربىر جان دەنيەل رەدكليففتى باستى ءرولدى كورگىسى كەلىپ جاتىر. الايدا الدىمەن ونىڭ بولىمدەرىن بەلگىلەپ، سەنارييىن جازۋ كەرەك جانە بيۋدجەت ناقتىلاۋ قاجەت»، - دەپ جازدى The Sun.

فيلم ۇلكەن ەكرانعا ەكى بولىمدە شىعادى.

باسىلىمنىڭ اتاپ وتۋىنشە، دەنيەلمەن بىرگە گارري پوتتەر فيلمدەرىنە تۇسكەن گەرميونا گرەيندجەردىڭ ءرولىن سومداعان ەمما ۋوتسون اكتەرلىك مانسابىن جالعاستىرسا، رون رولىمەن تانىمال رۋپەرت گرينت جىلجىمايتىن مۇلىك سالاسىندا بيزنەسكە كەتكەن.

گارري پوتتەر تانىمال فرانشيزاسى الەمدىك پروكاتتا 6،4 ملرد فۋنت ستەرلينگتەن استام قاراجات جيناعان ەدى.