مەملەكەت باسشىسىنىڭ جارلىعىمەن عالىمجان ولجا ۇلى ءپىرماتوۆ قازاقستان رەسپۋبليكاسى ۇلتتىق بانكىنىڭ ءتوراعاسى لاۋازىمىنان بوساتىلدى. بۇل تۋرالى Almaty-akshamy.kz اقورداعا سىلتەمە جاساپ حابارلايدى.
عالىمجان ولجا ۇلى ءپىرماتوۆ 1972 جىلى 24 ساۋىردە دۇنيەگە كەلگەن. ءنوۆوسىبىر مەملەكەتتىك ۋنيۆەرسيتەتىن، قازاقستاننىڭ ەكونوميكا جانە بولجاۋ مەنەدجمەنتى ينستيتۋتىن، Atkinson Graduate School of Management، Willamette University بىتىرگەن. ءار جىلدارى «التىن-تاس» بك قارجى ديرەكتورى، AIG Silk Road Capital Management كومپانياسىنىڭ ينۆەستيسيالار جونىندەگى ديرەكتورى، «حالىق بانك» اق ينۆەستيسيالىق بانكينگ دەپارتامەنتىنىڭ ديرەكتورى، ق ر ەكونوميكا جانە بيۋدجەتتى جوسپارلاۋ ۆيسە-مينيسترى، «قازاتومونەركاسىپ» ۇاك» اق ەكونوميكا جانە قارجى جونىندەگى ۆيسە-پرەزيدەنتى، «Cameco Kazakhstan» كومپانياسىنىڭ پرەزيدەنتى، ق ر ۇلتتىق بانكى ءتوراعاسىنىڭ ورىنباسارى قىزمەتتەرىن اتقارعان. 2017-2021 جىلدارى «قازاق اتوم ونەركاسىبى ۇاك» اق باسقارما ءتوراعاسى بولدى.