قوسىمشا اقى مولشەرى عىلىمي دارەجە مەن اتاققا بايلانىستى.
ەندى جوعارى وقۋ ورىندارىندا عىلىمي-پەداگوگيكالىق قىزمەتپەن اينالىساتىن وقىتۋشىلاردىڭ جانە عىلىمي-زەرتتەۋ جۇمىستارىن جۇرگىزەتىن عالىمداردىڭ نەگىزگى جالاقىسىنا قوسىمشا اقى قوسىلادى، دەپ حابارلايدى Almaty-akshamy.kz
بۇل جايلى عىلىم تۋرالى زاڭ جوباسىنا وزگەرىستەر مەن تولىقتىرۋلار ەنگىزۋ بويىنشا وتكەن ءماجىلىس وتىرىسىندا بەلگىلى بولدى.
"قوسىمشا اقى مولشەرى عىلىمي دارەجە مەن اتاققا بايلانىستى. مىسالى دوسەنت اتاعى بار عىلىم كانديداتتارى قوسىمشا 25 اەك، پروفەسسور اتاعى بار عىلىم دوكتورلارى 50 اەك الادى"، - دەلىنگەن حابارلامادا.
ودان بولەك جوعارى وقۋ ورىندارىندا جانە عىلىمي ۇيىمداردا جۇمىس ىستەيتىن عالىمدارعا عىلىمي، عىلىمي-پەداگوگيكالىق جانە عىلىمي-تەحنيكالىق سيپاتتاعى جۇمىستارىن اياقتاۋ ءۇشىن ءبىر جىلعا دەيىن ەڭبەك دەمالىسى بەرىلەدى. بۇل كەزەڭدە ۇيىمنىڭ قاراجاتى ەسەبىنەن ورتاشا جالاقى ساقتالادى.
كەمىندە بەس جىل ۇزدىكسىز عىلىمي-پەداگوگيكالىق جۇمىس ءوتىلى بولعان قىزمەتكەرگە شىعارماشىلىق ەڭبەك دەمالىسى ون جىلدا ءبىر رەت بەرىلەدى. مۇنداي دەمالىس اياقتالعان سوڭ عالىمدار سول مەكەمەدە ءۇش جىل جۇمىس ىستەۋگە مىندەتتى.